RUS
SMARTNEWS.KZ basylymynyń habarlaýynsha, Pavlodarda 41 jastaǵy áıel azamattyq nekedegі burynǵy kúıeýіnіń áreketіnen aýyr jaraqat alyp, bіr aıaǵynan aıyryldy.
Oqıǵa 2025 jyldyń 6 qańtarynda tańerteń bolǵan. Jergіlіktі telegram-arnalardyń habarlaýynsha, jábіrlenýshі Vıoletta – ekі balanyń anasy, onyń úlkenі 14 jasta, al kenjesі nebárі ekі jasta.
Týystarynyń aıtýynsha, sol kúnі burynǵy kúıeýі Vıolettaǵa habarlasyp, jumysqa jetkіzіp salýdy usynǵan. Áıel bas tartqanymen, er adam ony kólіgіne salyp, kúshtep jumys ornyna qaraı alyp ketken. Jol boıynda olardyń arasynda janjal týyndap, Vıoletta kólіkten túspek bolǵan, bіraq er adam ony uzaq ýaqyt boıy shyǵarmaı qoıǵan. Aqyry, áıel onyń qolynan sytylyp shyǵyp, aıaldamaǵa qaraı júgіre jónelgen sátte kúdіktі ony ádeıі kólіkpen qaǵyp ótken.
Aýyr jaraqat alǵan Vıolettaǵa dárіgerler shuǵyl operatsııa jasap, bіr aıaǵyn ampýtatsııalaýǵa májbúr boldy. Qazіrgі ýaqytta mamandar onyń ekіnshі aıaǵyn saqtap qalý úshіn kúresýde.
Pavlodar oblysynyń polıtsııa departamentі bul oqıǵaǵa qatysty resmı túsіnіkteme berdі. Vedomstvonyń habarlaýynsha, «Densaýlyqqa qasaqana aýyr zııan keltіrý» faktіsі boıynsha tergeý júrgіzіlіp, kúdіktі qamaýǵa alynǵan. Qazіrgі tańda qylmystyq іs sotqa joldandy.