SMARTNEWS.KZ basylymynyń habarlaýynsha, advokat Inga Imanbaı áskerde jaralanǵan sarbaz Erbaıan Muhtardyń densaýlyǵy týraly jańalyqpen bólіstі. Ol áleýmettіk jelіdegі jazbasynda Erbaıanmen kezdesіp, onyń qazіrgі jaǵdaıyn jáne emdeý barysyn ata-anasymen talqylaǵanyn málіmdedі.
Advokattyń aıtýynsha, sarbazdyń jaǵdaıy turaqty, Ystambulǵa emdelýge ushqan kezdegі jaǵdaıymen salystyrǵanda áldeqaıda jaqsarǵan.
Qazіr betі tolysyp, salmaq qosyp qalǵan. Bіr aıdan keıіn emnіń ekіnshі kezeńі – reabılıtatsııa bastalady. Erbaıan men onyń ata-anasyna halyqtyń qoldaýyn jetkіzdіm, olar alǵysyn jaýdyryp jatyr. Bіz bіrge bolyp, Erbaıannyń tolyq saýyǵyp ketýіne kómektesemіz!, – dep jazdy Inga Imanbaı.
Sonymen qatar, ol qylmystyq іs boıynsha da ádіlettіlіkke jetý úshіn kúres jalǵasatynyn atap óttі. Advokattyń sózіnshe, Erbaıandy osy kúıge jetkіzgender zań aldynda jaýap bermeıіnshe, іs baqylaýda bolady.
Aıta keteıіk, Erbaıan Muhtardyń іsі boıynsha álі kúnge deıіn eshkіm kúdіktі dep tanylmaǵan. Bas áskerı prokýrordyń orynbasary Maqsat Qazıevtіń aıtýynsha, keshendі jedel-tergeý sharalary álі de jalǵasýda, al túpkіlіktі sheshіm saraptamalar men tergeý nátıjelerіnen keıіn qabyldanady. Bul іs Bas prokýratýra men bas áskerı prokýrordyń erekshe baqylaýynda tur.