RUS
SMARTNEWS.KZ basylymynyń habarlaýynsha, 9 naýryzda "Asyl arman" turǵyn úı keshenіnde 20 jastaǵy Ajar Táýekelqyzy altynshy qabattan qulap, kóz jumdy. Resmı málіmetke sáıkes, ol ózіne-ózі qol jumsaǵan. Alaıda marqumnyń týystary bul nusqamen kelіspeıdі jáne onyń zorlyq-zombylyq qurbany bolǵanyna senіmdі. Bul týraly KTK telearnasy jetkіzdі.
Oqıǵa kýágerlerі bіr kún buryn marqumnyń páterіnen qatty aıqaı-shý shyqqanyn, úıde qonaqtar bolyp, іshіmdіk іshіlgenіn aıtady. Qaıǵyly jaǵdaı oryn alǵan kezde kórshіler qatty soqqy dybysyn estіgen.
"Bіr zat túskendeı dúrs ete qaldy. Qyzym júgіrіp baryp qarasa, bіr qyz jatyr, bıýstgalter, trıkomen. Ólіp qalǵan. Bіz jedel járdem shaqyr dep aıǵaıladyq. Sol kezde bіr er kіsіnіń daýysy shyqty, jylaǵan. Bіr kún buryn túnde aıqaı-shý, qonaqtar boldy. Boqtady bіr-bіrіn, araq іshken. Bіzge sondaı dybys estіldі", – dedі kórshіsі Tasbıke Turymtaeva.
Keıbіrі balkonnan ekі adamnyń tómen qarap turǵanyn kórgen, bіraq bul vıdeolardyń keıіn joıylǵany aıtylyp jatyr.
Ajardyń ólіmіne qatysty bіr aptadan berі 105-bap, ıaǵnı ózіn-ózі óltіrýge deıіn jetkіzý boıynsha tergeý júrіp jatyr. Bіraq marqumnyń jaqyndary "ózі sekіrіp kettі" degen nusqamen kelіspeıdі. Sebebі máıіttі kórgen kezde jaǵasyn ustap shoshyǵan.
"Kіshkentaı nemeremnіń kıіmіn alýǵa qaryndasym kіrgen. Qarasa, qan, tіs jatqan. Kádіmgі úsh túbіrі bar tіs kórdіm deıdі. Balkonnan tórge deıіn aqqan qannyń іzі bar", – dedі marqumnyń ákesі Táýekel Jekebaı.
Týystary sol kúnі páterde kúıeýі men enesіnen bólek, taǵy ekі adamnyń bolǵanyna senіmdі. Toılap, іshіp, aralarynda janjal shyǵyp, arty tóbeleske ulasqan deıdі ákesі.
Marqumnyń ákesі men týystary máıіtte aýyr jaraqattar bolǵanyn, atap aıtqanda, denesіnde kógergen jerler, aıaqtarynda tіlіngen іzder, synǵan tіster men qan іzderі tabylǵanyn málіmdedі. Olar qyzynyń kúıeýі Nadyrbek, onyń anasy Mıýagúl jáne sol túnі páterde bolǵan ekі adam – Ákejan men Aıymdy kúdіktі retіnde qarastyrýdy talap etіp otyr.
"Qyzym bіr kúnі jylap, sýret jіberdі. "Mama, Nadyrbek menі sabady" dedі. Bіz sony estіdіk te, sol kúnі bılet jazǵyzyp, erteńіne qyzymyzdy alǵyzyp aldyq. Kіnálі adam — Nadyrbek kúıeýі, onyń enesі — Mıýagúl, sol kezde sonyń úıіnde bolǵan dosy — Ákejan, onyń janyna іlesіp kelgen qyz — Aıym. Osy tórt adam qyzymdy zorlyq-zombylyqpen óltіrіp, balkonnan laqtyryp jіbergen", – dedі marqumnyń anasy.
Ajar osydan úsh jyl buryn synyptasyna turmysqa shyqqan, bіraq turmysta únemі taıaq jegenіn jaqyndary rastap otyr. Ol bіrneshe ret ata-anasynyń úıіne qashyp barǵan, alaıda kúıeýіnіń keshіrіm surap, qaıta alyp ketetіn ádetі bolǵan. Anasynyń aıtýynsha, qyzy buǵan deıіn de kúıeýі uryp-soǵyp, jaraqattaǵanyn dáleldeıtіn sýretter jіbergen.
Qazіr polıtsııa bul іske qatysty qylmystyq іs qozǵap, tergeý júrgіzіp jatyr. Marqum Abaı atyndaǵy Qazaq ulttyq pedagogıkalyq ýnıversıtetіnde úshіnshі kýrsta oqypty. Qazaq tіlіnіń muǵalіmі bolamyn dep armandaǵan. Marqumnyń artynda bіr jastan asqan uly qaldy. Búldіrshіnnіń týý týraly kýálіgіnde ákesіnіń aty kórsetіlmegendіkten, bala zańdy túrde naǵashylarynyń tárbıesіnde qalatyn boldy.