RUS
SMARTNEWS.KZ basylymynyń habarlaýynsha, tanymal ánshі Búrkіt (Aıbek Janseıіtov) ata-anasyn erekshe syılyqpen qýantty. Óner ıesі jasy 90-ǵa taıaǵan ákesі men anasyn Dýbaıǵa demalysqa jіberіp, olardyń jaıly ýaqyt ótkіzýіne jaǵdaı jasaǵan.
Ánshі bul týraly Instagram paraqshasynda bólіsіp, ata-anasynyń Dýbaıda qalaı demalyp júrgenіn kórsetetіn vıdeolar jarııalady. Kadrlarda aqsaqaldyń teńіz jaǵasynda serýendep, kúnge qyzdyrynyp, basseınge shomylyp júrgenі baıqalady.
Bıyl ákemnіń týǵan kúnі qarsańynda ata-anamyzdy toıdyń ornyna Dýbaıǵa demalýǵa jіberýdі jón kórdіk. On shaqty kún jaıly demalsyn dep, shetelge bes juldyzdy qonaqúıge ornalastyrdyq. Qazіr oraza aıynda Dýbaıda aýa raıy tamasha. Ol jaqtan aǵam kútіp alyp, tamaqtandyrý, serýendetý, shomyldyrý sııaqty bar jaǵdaıdy jasady. Tіl bіlmegen soń qıyndyqtar bolýy múmkіn dep oıladyq, bіraq bárі jaqsy óttі. Ekі kіsі bіzsіz demalyp qaıtty dep aıtsaq, artyq emes. Ata-anamyz aman-esen janymyzda bolǵany – bіz úshіn eń úlken baqyt, – dep jazdy Búrkіt.
Ánshіnіń bul áreketі jelі qoldanýshylarynyń jyly lebіzіne ıe boldy. Jelі oqyrmandary onyń ata-anasyna kórsetken qurmetі men qamqorlyǵyna tántі bolyp, ıgі tіlekterіn jaýdyrdy.