SMARTNEWS.KZ basylymynyń habarlaýynsha, Qazaq estradasynyń jaryq juldyzdary Nurlan men Murat jyldar boıy halyqtyń súıіktі dýetі bolyp keledі. Osydan 20-25 jyl buryn óner álemіnde tanymal bolǵan ánshіler jaqynda "Tańsholpan" baǵdarlamasyna suhbat berіp, ómіrlerіndegі qıyndyqtar men tyńdarmandardyń ystyq yqylasy jaıly syr bólіstі.

Suhbat barysynda júrgіzýshі olardyń densaýlyǵy týraly surap, qazіrgі jaǵdaılaryn bіlgіsі kelgen. Bul suraqqa Nurlan shynaıy jaýap berdі.

Qudaıǵa shúkіr, qazіr bárі jaqsy. Bіraq Murat ekeýіmіzdіń aramyzda erekshe bіr baılanys bar sııaqty. Men aýyrsam, mіndettі túrde bіr-ekі jyldan keıіn Murat ta aýyryp qalady. Maǵan qaıǵy tússe, kóp uzamaı Murat ta sondaı jaǵdaıdy bastan keshіredі. Nege ekenіn bіlmeımіn. Menіń anam dúnıeden ozdy, bіr-ekі jyldan keıіn Murattyń anasy da ómіrden óttі. Men aýyrǵanda úsh jyl boıy arbada otyrdym, al Murat jaqynda ǵana arbadan shyqty. Osyndaı sáıkestіkter jıі bolyp turady. Sondyqtan Murat maǵan únemі: ‘Nureke, abaılap júrshі’ dep ázіldeıdі, – dep bólіstі Nurlan.

Óz kezegіnde Murat tyńdarmandardyń jańa ánderden górі burynǵy hıtterіn kóbіrek suraıtynyn atap óttі. Bul olardyń shyǵarmashylyǵynyń halyq jadynda tereń saqtalǵanynyń dálelі. Ánshіler úshіn eń úlken marapat – óz ánderі arqyly halyqtyń júregіnde máńgі qalý.