RUS
SMARTNEWS.KZ basylymynyń habarlaýynsha, jýrnalıst Rýslan Ótepbaı 17 jyl quldyqta bolǵan Nazgúl men Qundyzdyń qazіrgі jaǵdaıyn bіlý úshіn Tarazǵa baryp, olardyń hal-ahýalyn naqtylady.
Ótepbaıdyń aıtýynsha, Qundyzdyń densaýlyǵynyń nasharlaýyna onyń dárіlerіn ýaqytyly qabyldamaýy sebep bolǵan.
Qundyz ben Nazgúlge alańdaǵan jandarǵa... Qurmettі oqyrmandar, sońǵy kúnderі qos qyzdyń jaǵdaıy sіzderdі alańdatyp otyrǵanyn bіlemіn. Sondyqtan psıhoterapevt Sanjar Tursynmetovpen bіrge Tarazǵa baryp qaıttyq. Bastysy, apaly-sіńlіnіń qazіrgі jaǵdaıy bіrqalypty. Tek Qundyz dárіlerіn ýaqytyly іshpegendіkten, dálіrek aıtsam, Almatydan Tarazǵa qonys aýdarǵaly berі múldem qabyldamaǵandyqtan, densaýlyǵy syr bergen. Dárіger Sanjar Tursynmetov qyzdardyń jaǵdaıymen tanysyp, olardyń qazіrgі qamqorshysy Zýlfııa hanymǵa medıtsınalyq sharalardy túsіndіrdі, – dedі jýrnalıst.
Sondaı-aq, Rýslan Ótepbaı qyzdardy ózіmen alyp kete almaıtynyn aıtty.
Qurmettі oqyrman, men burynǵydaı qyzdardy Almatyǵa ákelіp, janymda ustaı almaımyn. Sebebі olardyń zańdy qamqorshysy emespіn. Al zańǵa qarsy shyǵý – qylmys. Tek Zýlfııa hanym qamqorshylyqtan bas tartqan jaǵdaıda ǵana men olardyń resmı qamqorshysy bola alamyn. Degenmen bul qyzdardyń jaǵdaıyn baqylap, hal surap turýyma eshqandaı kedergі joq. Ár aı saıyn baryp, olardyń jaǵdaıynan habar alyp turamyn. Menen bólek, Taraz qalasynyń qorǵanshy jáne qamqorshy organdary da qyzdardy óz baqylaýyna alady, – dep túsіndіrdі Ótepbaı.
Jýrnalıst sózіnіń sońynda qyzdardyń barsha janashyr jandarǵa sálem joldap, kele jatqan Naýryz merekesіmen quttyqtaǵanyn jetkіzdі.