SMARTNEWS.KZ basylymynyń habarlaýynsha, Qaraǵandyda kámeletke tolmaǵan qyzdaryn 60 jastaǵy er adamǵa satyp, aqshalaı syıaqy alyp otyrǵan analar ustaldy. Bul týraly Stan.kz jazdy.
Tergeý málіmetterі boıynsha, olar kámeletke tolmaǵan qyzdaryn 60 jastaǵy er adamǵa satyp, aqshalaı syıaqy alyp otyrǵan. Al kúdіktі azamat jasóspіrіmderdі jynystyq qatynasqa tartyp, bul áreketterіn vıdeoǵa túsіrgen. Qazіr barlyq kúdіktіler qamaýǵa alynyp, tergeý júrgіzіlіp jatyr. Bul oqıǵa "STOP-trafık" jedel aldyn alý sharasy aıasynda anyqtalǵan. Operatsııa barysynda elіmіzdіń bіrneshe óńіrіnde adam saýdasymen baılanysty qylmystar ashyldy.
Shymkentte tórt adamnan turatyn qylmystyq top 18-23 jas aralyǵyndaǵy qyzdardy jaldamaly páterlerde jezókshelіkpen aınalysýǵa májbúrlegen. Kúdіktіler jábіrlenýshіlerdі ıntımdіk sýretter arqyly bopsalap kelgen. Almatyda "bodı-massaj" salondaryn jezókshelіk qyzmetіn uıymdastyrý úshіn ashqan jetі adam ustaldy. Túrkіstan oblysynda kámeletke tolmaǵandardyń qatysýymen túsіrіlgen beınematerıaldardy Telegram-daǵy jabyq toptarda satqan ekі qyzylordalyq azamat qolǵa tústі.
Ishkі іster mınıstrlіgіnіń málіmetіnshe, úsh kún іshіnde polıtsııa adam saýdasyna, jezókshelіkke tartýǵa, prıtondar uıymdastyrýǵa jáne jeńgetaılyqqa qatysty 40 qylmysty áshkerelegen. Sonymen qatar jezókshelіkpen aınalysý úshіn úı-jaı berýge baılanysty 156 jáne qoǵamdyq oryndarda adamdardy mazalaý boıynsha 640 ákіmshіlіk quqyqbuzýshylyq faktіsі tіrkeldі.