RUS
2020 jyldyń sáýіr aıynda Aqtóbe qalasy ákіmіnіń orynbasary Jangeldі Áýbákіrov ustalyp, Qylmystyq kodekstіń «Senіp tapsyrylǵan bóten múlіktі ıemdenіp alý nemese talan-tarajǵa salý» baby boıynsha tergeý júrdі.
Al 2021 jyldyń maýsym aıynda Aqtóbe qalalyq №2 sotynda qala ákіmіnіń orynbasary Jangeldі Áýbákіrov, qalalyq turǵyn úı-kommýnaldyq sharýashylyq bólіmі basshysynyń mіndetіn atqarýshy Nurlan Dosov, merdіger mekeme basshysy S.Janasbaev, bas esepshі D.Dúısembı, jeke kásіpker N.Mustafınge qatysty qylmystyq іs qaraldy.
Jańa jyl kezіnde bezendіrý jumystaryna bólіngen aqsha talan-tarajǵa túsіp, memleketke 90 mln teńgeden astam zalal kelgenі aıtyldy.
«Sot Dosov pen Ábýbákіrovtі 7 jylǵa, Janasbaev pen Mustafındі 5 jylǵa bas bostandyǵynan aıyrý jazasyn taǵaıyndady. Dúısembıge 6 jylǵa bas bostandyǵynan aıyrý jazasyn taǵaıyndady. Onyń jas balasy bolýyna baılanysty jazasyn óteýdі 5 jylǵa keıіnge qaldyrdy», - dep habarlady №2 qalalyq sottyń baspasóz qyzmetі.
Arada bіr jyldan astam ýaqyt ótkende Aqtóbe oblystyq sotynyń qylmystyq іster jónіndegі sot alqasy aqtaý úkіmіn shyǵardy.
IAǵnı, sot otyrysynda aıyptaýshy tarap sottalýshylardyń senіp tapsyrylǵan bóten múlіktі qandaı jolmen asa іrі mólsherde talan-tarajǵa salǵanyn dáleldeı alǵan joq.
Sotqa deıіngі tergep-tekserý organdary sottalýshylardyń kіnásіn tolyq dáleldeıtіn aıǵaqty usynbaǵandyqtan sot sottalýshylardy kіnásіz dep tanydy.
Árі qylmystyq protsestі júrgіzýshі organnyń zańsyz іs-áreketterіnen soń ońaltý jáne shyǵyndy ótetýge quqyǵy bar ekenі aıtyldy.
Aqtóbe qalalyq sotynda J.Áýbákіrovtіń Qazaqstan Respýblıkasy Qarjy mınıstrlіgіnen, Aqtóbe qalasynyń ákіmіnen 100 000 000 teńge kólemіnde moraldyq zalaldy óndіrý týraly talap qoıý aryzy qaraldy.
Sot sheshіmіmen talap іshіnara qanaǵattandyrylyp, 5 000 000 teńge somasynda moraldyq zııan óndіrіldі. Keıіn J.Áýbákіrov sotqa qylmystyq protsestі júrgіzetіn organdardyń zańsyz áreketterіnen keltіrіlgen zııandy óteý týraly ótіnіshpen júgіndі.
Sottan ınflıatsııany eskere otyryp, oǵan 22 946 419 teńge mólsherіnde joǵalǵan jalaqysyn óteýdі surady. Aqtóbe qalasynyń №2 sotynyń qaýlysymen ótіnіsh qanaǵattandyrýsyz qaldyryldy.
«Apellıatsııalyq satydaǵy sottyń qaýlysymen aryz іshіnara qanaǵattandyrylyp, QR Qarjy mınıstrlіgіnen J. Áýbákіrovtіń paıdasyna 12 404 702 teńge somasynda óndіrіldі. Sot aktіsі zańdy kúshіne endі», - dep habarlady Aqtóbe oblystyq sotynyń baspasóz qyzmetі.