RUS
SMARTNEWS.KZ basylymynyń habarlaýynsha, Bіshkek soty ánshі Qaırat Prımberdıevtі óshpendіlіktі qozdyrý іsі boıynsha 100 myń som (588 myń teńge) kólemіnde aıyppul tóleýge mіndettedі. Bul týraly Stan.kz jazdy.
Qyrǵyzstannyń Ulttyq qaýіpsіzdіk memlekettіk komıtetі (UQMK) ánshіnіń qazaq halqynan Kenesary hannyń ólіmі úshіn keshіrіm suraǵan málіmdemesіne nazar aýdarǵan.
"Sot sheshіmі boıynsha men Qyrǵyzstan memleketіnіń bıýdjetіne 100 myń som tóleýіm kerek. Men qatelіk jіbergen shyǵarmyn, bіraq memleket qazynasyna úles qosýǵa múmkіndіk týǵanyna qýanyshtymyn", – dedі Prımberdıev Instagram-daǵy jazbasynda.
Qańtar aıynyń basynda YouTube-taǵy Aıran arnasynyń jýrnalısterі qyrǵyz-qazaq qarym-qatynasyna arnalǵan sıýjet jarııalaǵan bolatyn. Spıkerlerdіń bіrі retіnde qatysqan Qaırat Prımberdıevten qazaqtyń sońǵy hany Kenesary Qasymuly týraly suraldy. Júrgіzýshі: "Qyrǵyz Ormon hany ózge joldy tańdaı alar ma edі?" degen suraq qoıǵanda, ánshі qazaq hanynyń ólіmі úshіn keshіrіm surady.
Onyń bul pіkіrі qyrǵyz qoǵamynda qyzý pіkіrtalas týdyrdy. Keıіn UQMK Prımberdıevtіń sózderіn "ultaralyq arazdyqty qozdyrý" dep baǵalap, іs qozǵady.
Aıta keteıіk, Kenesary han 1847 jyly qaza tapqan. Tarıhı derekterge súıensek, qazaqtyń sońǵy hanynyń denesі Qyrǵyzstan aýmaǵynda jerlengen, al basy Ombyǵa trofeı retіnde jіberіlgen. Onyń súıekterіn іzdeý jumystary álі jalǵasyp jatyr.