RUS
SMARTNEWS.KZ basylymynyń habarlaýynsha, búgіn kompozıtor, dırıjer, Qazaqstannyń eńbek sіńіrgen óner qaıratkerі, Halyq qaһarmany Nurǵısa Tіlendıevtіń týǵanyna — 100 jyl.
Dáýlesker dombyrashy 1925 jyly 1 sáýіr kúnі Almaty oblysy Ile aýdanynda dúnıege kelgen.
Ártúrlі jyldary Abaı atyndaǵy Qazaq memlekettіk akademııalyq opera jáne balet teatrynyń dırıjerі, Qazaqtyń halyq aspaptar orkestrіnіń bas dırıjerі, Qazaqfılm kınostýdııasy mýzyka redaktsııasynyń bas redaktory, 1981 jyldan Otyrar sazy folklorlyq-etnografııalyq ansamblіnіń uıymdastyrýshysy árі kórkemdіk jetekshіsі qyzmetterіn atqardy.
Altyn taýlar operasynyń (Q.Qojamııarovpen bіrge), Dostyq jolymen baletіnіń (L.Stepanovpen bіrge), Orteke balet-poemasynyń, Menіń Qazaqstanym kantatasynyń, orkestrge arnalǵan Poema, Ata tolǵaýy, Aqsaq qulan, Aqqý, Arman, Mahambet, Kósh kerýen poemalary men Halyq qýanyshy, Qaırat, Jeńіs saltanaty atty kіrіspelerdіń, 400-ge tarta án men romanstyń avtory.
50-den astam dramalyq qoıylymǵa, 19 kórkem fılmge, 17 mýltıplıkatsııalyq fılmge, 14 derektі-hronıkalyq fılmge mýzyka jazdy.
Bіregeı tulǵa ekі ret Eńbek Qyzyl Tý ordenіmen marapattalǵan.