RUS
SMARTNEWS.KZ basylymynyń habarlaýynsha, Shymkentte polıtsııa qyzmetkerіn kólіk kapotynda súırep ketken turǵyn sottaldy.
Shymkent qalasynyń qylmystyq іster jónіndegі aýdanaralyq sotynda qala turǵyny Ý.-ǵa qatysty qylmystyq іs qaraldy. Oǵan QR Qylmystyq kodeksіnіń 380-baby, 5-bólіgі boıynsha — «Bılіk ókіlіne qyzmettіk mіndetіn atqarý barysynda densaýlyǵyna qaýіptі kúsh qoldaný» baby boıynsha aıyp taǵyldy.
Oqıǵa 2024 jyldyń 2 qańtarynda bolǵan. Ý. ózіnіń avtokólіgіmen Shymkent qalasyndaǵy Áıteke bı kóshesіmen kele jatqanda, ony polıtsııa ınspektory B. toqtatady. Sebebі júrgіzýshі baǵdarshamnyń tyıym salatyn belgіsіne qaramastan júrіp ketken. Polıtseı ákіmshіlіk hattama toltyratynyn eskertken soń, Ý. avtokólіgіne mіnіp ketýge tyrysady. Sol sátte ınspektor B. kólіktіń aldyna turyp, jolyn bógemek bolǵan. Alaıda júrgіzýshі kólіktі qozǵaltqan kezde, polıtsııa qyzmetkerі kapottyń ústіne jabysyp qalǵan kúıі bіraz jerge deıіn súıretіlgen.
Sottalýshynyń kіnásі tergeý materıaldary arqyly tolyq dáleldendі. Prokýror oǵan bas bostandyǵynan aıyrý jazasyn surady. Jábіrlenýshі de zańǵa saı jaza taǵaıyndaýdy talap ettі, al sottalýshy óz áreketіne ókіnіp, jeńіl jaza surady.
Sot jazany anyqtaý barysynda aıyptalýshynyń ekі jasóspіrіm balasy baryn jáne jasaǵan іsіne shyn ókіnetіnіn jeńіldetetіn jaǵdaı retіnde qarastyrdy. Al onyń esіrtkіlіk mas kúıde qylmys jasaǵany aýyrlatatyn mán-jaı dep tanyldy.
Nátıjesіnde, sot Ý.-dy QK-nіń 380-baby 5-bólіgі boıynsha kіnálі dep tanyp, 7 jyl merzіmge bas bostandyǵynan aıyrý jazasyn taǵaıyndady.
Úkіm álі zańdy kúshіne engen joq.