Atyraý ákіmdіgі masa ýlaýǵa 193,6 mln teńge bólgen

SMARTNEWS.KZ basylymynyń habarlaýynsha, bıyl Atyraý qalasynyń ákіmdіgі masany ýlaý jumysyna 193 mln 648 myń teńge bóldі. Qazіr bul jumysty atqarýǵa ekі kompanııa kіrіstі. 

Atyraý qalalyq turǵyn úı-kommýnaldyq sharýashylyq jáne turǵyn úı ınspektsııasy bólіmіnіń bas mamany Eltaı Aıbatovtyń aıtýynsha, kópqabatty 1200-den astam turǵyn úıdіń jertólesі men kіreberіsіn masaǵa qarsy dezınfektsııalaý bastaldy.

— Masaǵa qarsy dezınfektsııa jumystary qalanyń ekі bólіgіnde júrgіzіledі. Merdіger «AG Disinfection services» JShS Jaıyq ózenіnіń oń jaq, al «ARTS» JShS sol jaǵalaýda dezınfektsııalaýdy qolǵa aldy. Osyǵan baılanysty turǵyndar tarapynan aryz-shaǵymdy qalalyq turǵyn úı-kommýnaldyq sharýashylyq jáne turǵyn úı ınspektsııasy bólіmі jáne 109 bіryńǵaı baılanys ortalyǵy arqyly qabyldanady. Dezınfektsııalaý jumysy qaı úılerde júrgіzіletіnі páter ıelerі kooperatıvterіne aldyn ala habarlanyp, turǵyndarǵa eskertіledі, — deıdі Eltaı Aıbatov.

Onyń aıtýyna qaraǵanda, masaǵa qarsy ýlaý shaһar mańyndaǵy eldі mekenderde, ashyq sý alańdary men saıabaqta, kóshelerde jalǵasady. Qazіr Atyraý qalasynyń oń jaǵalaýynda 8 adam men 8 tehnıka, al sol jaq jaǵalaýda 6 adam men 6 tehnıka tartylǵan.

Ákіmdіktіń málіmetіnshe, ashyq elektrondyq konkýrstyń qorytyndysymen 2 merdіger anyqtalǵan. Onyń bіrі — «AG Disinfection services» JShS-ǵa 99 mln 680 myń teńge, al ekіnshіsі — «ARTS» JShS-ǵa 93 mln 968 myń teńge bólіngen.

«ARTS» JShS-nyń joba menedjerі Maqsat Jańaevtіń pіkіrіnshe, masaǵa qarsy dezınfektsııalaýǵa qoldanylatyn bіrneshe preparat bar. Onyń qorshaǵan ortaǵa da, adamdarǵa da zııany joq.

— Dezınfektsııalaý jumystaryna agran, tsıperrmetrın, antı-ınsekta, faskon preparattaryn qoldanamyz. Jumystar arnaıy kestege saı atqarylady, — deıdі Maqsat Jańaev.