Kelіnіn balaǵattaǵan mas qaıyn ataǵa zań araq іshýge tyıym saldy

SMARTNEWS.KZ basylymynyń habarlaýynsha, Qyzylorda oblystyq soty kelіnіne balaǵat sózder aıtqany úshіn qazaqstandyqqa bіrneshe kúndіk qamaý jazasy berіlіp, 3 aıǵa alkogol іshýge tyıym salyndy. 

Sottyń jelіdegі resmı paraqshasynda habarlanǵandaı, Ákimshilik quqyq buzýshylyq týraly kodeksі 73-babynyń 1-bólіgі (Otbasy-turmystyq qatynastar aıasyndaǵy quqyqqa qarsy áreketter) boıynsha ákіmshіlіk quqyq buzýshylyq týraly іs Aral aýdandyq sotynda qaralǵan.

"Er adam masań kúıde kelіnіne balaǵat sózder aıtyp, oǵan qurmetsіzdіk kórsetіp, tynyshtyǵyn buzǵan", – dep anyqtady sot.

Jábіrlenýshі sottan týysyna qatysty shara qoldanýdy surady. Sebebі kelіnіnіń aıtýynsha, mundaı jaǵdaılar únemі qaıtalanyp turady.

Er adamnyń ákіmshіlіk quqyq buzýshylyq jasaǵany іs materıaldarymen dáleldendі. Sot qaýlysymen er adam kіnálі dep tanylyp, 5 táýlіkke ákіmshіlіk qamaýǵa alyndy. Sonymen qatar sot er adamnyń mіnez-qulqyna arnaıy talaptar belgіledі. Oǵan 3 aı merzіmge alkogoldі іshіmdіkterdі, esіrtkі jáne psıhotroptyq zattardy tutynýǵa tolyq tyıym salyndy.