RUS
Sot úkіmіmen «Almaty jylý jelіlerі» JShS bas dırektory K. Beısenbınovke 560 mln teńge somasynda aıyppul, osy kompanııanyń bas ınjenerі D. Qazymbetovke 560 mln teńge somasynda aıyppul, «Almaty jylý jelіlerі» kúrdelі qurylys basqarmasynyń bastyǵy S. Djıngılbaev 560 mln teńge kólemіnde aıyppul salyndy.
Para bergenі úshіn «SpetsKommýnStroı» JShS dırektory B.Razımbekovke 400 mln teńge aıyppul túrіnde jaza taǵaıyndaldy.
Atalǵan adamdar memlekettіk qyzmette qyzmet atqarý quqyǵynan ómіr boıyna aıyryldy.
Sottalǵandar úshіn aıyppuldyń jalpy somasy - 2 mlrd 80 mln teńge. Bul 350 oryndyq mektep nemese 320 oryndyq balabaqsha qurylysynyń bıýdjetіne teń.
«Almaty jylý jelіlerі» laýazymdy tulǵalaryna Almaty qalasynda jylý jelіlerіn qaıta qurý týraly shart boıynsha oryndalǵan jumys aktіlerіne kedergіsіz qol qoıǵany jáne aqsha aýdarǵany úshіn B. Razımbekovten 16 mln teńge somasynda para aldy degen aıyp taǵylǵan edі.
QR QK 41-babyna sáıkes aıyppul belgіlengen merzіmde tólenbegen jaǵdaıda jaza sharasy bas bostandyǵynan aıyrýǵa aýystyrylady (sot úkіmі zańdy kúshіne engen joq).