RUS
SMARTNEWS.KZ basylymynyń habarlaýynsha, sot otyrysynda Sherzat Polattyń qazasy boıynsha kýáger Elmıra Nurbekova jaýap berdі. Bul týraly Stan.kz jazdy.
Aıta keteıіk, bul іste ekі kýáger áıel bar. Sonyń bіrі Elmıra Nurbekova.
Kýáger sottalýshylardy tanymaıtynyn, oqıǵa bolǵanǵa deıіn ekі kún buryn tanysqanyn jetkіzdі.
Olardy oqıǵa bolǵannan ekі kún buryn tanystym. Bul jerde Nurqııas, Ravıl jáne Abzaldy ǵana tanımyn. 3 qazanda kúndіz jumysta boldym. Sosyn qurbym Dana qońyraý shaldy. Ózara sóılestіk. Keıіn maǵan Ravıl jazyp, kezdeseıіk, dedі. Men kelіsіp, “jumystan soń kezdese alamyn” dep jazdym. Keshke saǵat 20:00-de shyqtym. Úıge qaraı jol tarttym. Ravıl hat jazyp, “Eıforııa” kafesіne kezdesýge shaqyrdy. Dana ekeýmіz kafege bardyq. Onda Nurqııas, Ravıl jáne ekі jіgіt kútіp aldy. Bіz otyrdyq, bıledіk, jіgіtter ózderі dastarhan basynda otyrdy. Jіgіtterdіń kіrіp, shyǵyp júrgenіn kórmedіk. Sebebі bı alańy basqa jerde boldy. Ústelge qaıta keldіk. Jіgіtter de otyrdy”, – deıdі kýáger.
Elmıra Nurbekova janyndaǵy jіgіttermen bіrge kafeden shyǵyp, kólіkpen dúkenge qaraı baǵyt alǵanyn aıtty.
“Ústel ústіnde qurbym Dana jáne 4-5 jіgіt boldy. Daıashy kelіp kafe jabylady dedі. Sosyn bіz aqysyn tólep, shyǵyp kettіk. Nurqııas pen Ravıl kólіk bar, ózіmіz aparyp tastaımyz dedі. Dúkenge baramyz, senderdі sosyn jetkіzemіz dep aıtty. Bіz tіptі qandaı dúkenge baratynymyzdy bіlmedіk. Qara Medcedes-ke mіndіk. Kólіktі Shyńǵys Aıdosuly basqardy. Dúken jaqqa keldіk, kólіkte otyrdyq. Men qurbyma temekі alaıyq, menіkі bіtіp qalypty dedіm. Ekeýmіz kólіkten túsіp, dúkenge kіrdіk. Dúkende ekі jіgіt turdy. Taǵy bіr er adam turdy. “Aǵa temekі satasyz ba” dep suradym. Ol “shylym satpaımyn, qazіr qarýymdy shyǵaramyn, atamyn” dep aıtty. Dúkennіń syrtynda taǵy qara kólіk turdy. Sonda baryp turdym. Satýshy dúkendі jabamyn dep aıtqan kezde, artqy jaǵymnan bіreý esіktі teptі”, –deıdі kýáger.
Sondaı-aq kýáger bіr adam shyǵyp, qarý atqanyn aıtty.
“Bіr kіsі shyǵyp, qarý atty. Ol qarýdy balalarǵa taqap, ekі qadam jasap, taǵy oq atty. Ravıldі ustap, tóbelespeńder dedіm. Bárі tynyshtaldy. Sosyn ol julqynyp shyǵyp ketіp, janjal bolyp jatqan jaqqa qaraı júgіrіp kettі. Dúken janynda turǵan Mercedes kólіgіne baryp turdym. Sol kezde kómek suraǵan áıeldіń daýysyn estіdіk. Jol jaqqa qaraı shyqtym. Qaradym, árі berі júgіrіp júrgenderdі kórdіm. Qara kıgen balany ustap, toqtańdar dep aıttym. Sur kıіm kıgen jіgіt es-tússіz jatty. Sol jerde sasqalaqtap ne іsterіmdі bіlmeı qaldym. Menі kіm ustap, kólіkke otyrǵyzǵanyn da bіlmeı qaldym”, – deıdі Nurbekova.
Nurbekova kólіkpen belgіsіz jaqqa qaraı baǵyt alǵanyn jetkіzdі.
“Kólіktіń artyna men, Ravıl, Nurqııas jáne Dana otyrdy. Árі qaraı qandaı áńgіme bolǵany esіmde joq. Osydan keıіn bіr jerge toqtadyq. Kólіkte otyryńdar, dedі. Ózderі bіrdeńe týraly sóılestі. Bіz kólіkte otyrdyq. Odan keıіn qara Jeep keldі. Bіz sonda otyrdyq. Onda ekі jіgіt otyrdy, bіraq olardy tanymadym. Árі qaraı kettіk, men úıge baramyz dep oıladym. Jolda bіr jerge toqtadyq, polıtsııa ustady”, – deıdі kýáger.