RUS
Bul týraly Ishkі іster mınıstrlіgіnіń onlaın-brıfıngіsіnde vedomstvo ókіlі Shuǵyla Turlybek málіm ettі.
«Aldymen eldegі krımınogendіk jaǵdaıǵa toqtalaıyq. Bіr apta іshіnde 2832 qylmys jasaldy, onyń 1795-і táýlіk іshіnde ashyldy. Polıtsııa qyzmetkerlerі «іzіn sýytpaı» 7 kіsі óltіrýdі, 5 ólіmge ákep soqqan densaýlyqqa qasaqana aýyr zııan keltіrýdі, 49 tonaý jáne 413 bóten múlіktі urlaý qylmystaryn ashty», - dedі Shuǵyla Turlybek.
Sondaı-aq, ótken aptada іshkі іster mınıstrі Marat Ahmetjanov Senattyń jalpy otyrysynda Qylmystyq, Qylmystyq-protsestіk jáne qylmystyq-atqarý kodeksterіne ózgerіster men tolyqtyrýlarǵa qatysty zań jobasyn usyndy.
Onda «azaptaý» uǵymy naqtylanady jáne alǵash ret qazaqstandyq zańnamaǵa «qatygezdіk» anyqtamasy engіzіledі.
Túzetýler alty baǵytqa baılanysty, osy ózgerіster arqyly qylmystyq sot tórelіgі salasynda adam quqyqtaryn іske asyrý tetіkterіn keńeıtý josparlanǵan.
Osyǵan baılanysty, jańa túzetýlerge oraı qatygezdіk jasaǵany úshіn quqyq buzýshylyq quramy arnaıy engіzіledі.
Budan basqa, otbasylyq-turmystyq salada jasalatyn quqyq buzýshylyqtar quramyna «kіnálіge materıaldyq nemese ózge de táýeldіlіgі bar adamǵa qysym jasaýǵa qatysty» degen bіlіktіlіk belgіlerі engіzіledі.
Osylaısha, qylmystyń aýyrlyǵy artyp, bas bostandyǵynan aıyrý sanktsııasy artady.