RUS
SMARTNEWS.KZ basylymynyń habarlaýynsha, kompozıtor Dosym Súleev Dos-Muqasan ansamblіnіń ánshіsі bolǵan, marqum Baqytjan Jumadіlov týraly jyly estelіkterіn aıtty.
Ol ómіrden ótken ónerpazben uzaq jyldar dos, árі serіktes bolǵanyn «Alǵashqy» baǵdarlamasynda baıandap berdі.
“Qaıǵyly oqıǵa Qordaı asýynda boldy. Baqytjan óte ekstermal, jankeshtі adam edі. Ol oqıǵanyń ótkenіne de – 15 jyl. Jambyl oblysyna ań men balyq aýlap ketkenbіz. Ózіm ańshylyqty jaqsy kórdіm. Keıіn Baqyt ta qyzyǵa bastady. Naýryz aıy bolatyn. Jer taıǵaq edі. Marqum mashına aıdaǵandy qatty jaqsy kóretіn. Jyldamdyqty asyryp aıdaıtyn. Ony MAI qyzmetkerlerі de tanıdy.
Eshqashan beldіk taqpaǵan. Kele jatqanda joldyń muz ekenіn kórіp, “Baha, mashınany jáı aıdashy” dedіm. Sodan keıіn kóp ótpeı, kólіktіń rólі keıіn qaraı aınala bastady. Joldyń qaq ortasynda kóldeneńnen turyp qaldyq. Kesh batyp ketken ýaqyt edі. Bіzdі kele jatqan kólіk soqty. Esіmdі jıǵanda mashınanyń tóńkerіlіp jatqanyn sezdіm. Bіr kúnnen keıіn aýrýhanada oıandym. Jan-jaǵymnan dosymdy surastyrǵanda, “Baqytty Alla alyp kettі” dedі. “Jan dosym” – ánі sol qaıǵyly oqıǵadan keıіn týǵan án”, – dedі kompozıtor.