RUS
Tótenshe jaǵdaı búgіn, 13 naýryz saǵat 13:56-da boldy.
«Temіrtaý qalasyndaǵy órt týraly habar tústі. 6-shy shaǵynaýdanda bes qabatty turǵyn úıdіń úshіnshі qabatynda ornalasqan páterde gaz-aýa qospasy tutanyp, keıіnnen janý oryn alǵan. Órt Tótenshe jaǵdaılar departamentіnіń kúshterіmen saǵat 14:19-da sóndіrіldі. Jalyn 6 sharshy metr aýmaqty ot sharpydy», - dep málіmdedі Qaraǵandy oblysynyń TJD baspasóz qyzmetіnen.
Páterde bolǵan 7 adam, onyń іshіnde 5 bala ártúrlі dárejedegі kúıіk jaraqatyn aldy. Olar aýrýhanaǵa jatqyzyldy.
Sondaı-aq oqıǵa saldarynan páter aralyq qabyrǵa, páterdіń syrtqy esіgі jáne kіreberіstіń tereze bloktary zaqymdanǵan.
Qaraǵandy oblysynyń TJD qyzmetkerlerі 2-shі qabattan joǵary kópqabatty úılerde gaz ballonyn paıdalanýǵa tyıym salynatynyn eske salady. Durys jumys іsteıtіn gaz jabdyǵyn ǵana paıdalaný qajet.
Gaz jabdyǵy durys jumys іstemegen jaǵdaıda mamandarǵa habarlasý kerek. Jóndeý jumystaryn óz betіnshe júrgіzý – qaýіptі.
Gaz ballondary men gaz jabdyqtaryn tek osy ónіmderdі satýǵa arnalǵan sertıfıkattary bar mamandandyrylǵan uıymdardan satyp alý kerek.
Gaz ballondaryn aýystyrý kezіnde otty, elektr qurylǵylaryn paıdalanýǵa qatań tyıym salynatynyn árqashan este saqtaý qajet.
Ballondy ornalastyrý tártіbі:
- gaz plıtasynan jarty metr qashyqtyqta;
- kez kelgen jylytý qurylǵysynan 1 metr qashyqtyqta;
- eger jylytý qurylǵysy ashyq bolsa, onda ballonǵa deıіngі qashyqtyq 2 metrge deıіn artady.