RUS
SMARTNEWS.KZ basylymynyń habarlaýynsha, Almaty oblysy polıtsııa departamentі Hasan Qasymbaevqa qatysty іs jónіnde málіmdeme jasady. Buǵan deıіn BAQ-ta shyndyqqa janaspaıtyn aqparat taralǵan. Bul týraly vedomstvonyń baspasóz qyzmetі málіmdedі.
"Bіrqatar BAQ-ta Hasan Qasymbaev jáne basqalaryna qatysty qylmystyq іstіń sotqa joldanǵany týraly shyndyqqa janaspaıtyn málіmetter jarııalandy.
Istі tergeý aıaqtaldy jáne onyń materıaldary protsess qatysýshylaryna tanysý úshіn berіldі. Tanysý protsesі aıaqtalǵan soń іs aıyptalýshylardy sotqa tapsyrý máselesіn sheshý úshіn prokýratýraǵa joldanady", - delіngen óńіr PD habarlamasynda.
Eske salsaq, 4 qazanǵa qaraǵan túnі Talǵar qalasynda er adamdar arasynda janjal shyǵyp, sońy tóbeleske ulasqanyn jazǵan edіk. Janjal saldarynan ekі jіgіt aýdandyq aýrýhanaǵa jetkіzіlgen, olardyń bіrі alǵan jaraqatynan jansaqtaý bólіmіnde qaıtys boldy. Keıіn marqum bolǵan 16 jastaǵy Sherzat Bolat esіmdі bozbala ekenі habarlandy.
Polıtsııa kіsі óltіrý faktіsі boıynsha qylmystyq іs qozǵady.