RUS
SMARTNEWS.KZ basylymynyń habarlaýynsha, Almatyda burynǵy kúıeýіnіń qatygez áreketіnen aman qalǵan Indıra Tergeýbaeva úsh jylǵa jýyq ýaqyt ótse de, ádіldіkke qol jetkіze almaı keledі.
Qaıǵyly oqıǵaǵa qatysty qozǵalǵan іs boıynsha kóshі-qon polıtsııasynyń podpolkovnıgі Danııar Adenov "aýyr zardaptarǵa ákep soqqan nemquraılyq" babymen kіnálі dep tanylǵan. Alaıda sot qylmystyq jaýapkershіlіktі іstіń merzіmі ótіp ketkenіn alǵa tartyp, toqtatý týraly sheshіm qabyldady.
Adenov Reseı azamaty, Indıranyń burynǵy kúıeýі Alı Boprıevtі elden deportatsııalaýy tıіs bolǵan. Boprıev buryn otbasylyq zorlyq-zombylyq jasaǵany úshіn sottalǵan jáne 2021 jyly Joǵarǵy sot ony Qazaqstannan shyǵarý týraly sheshіm shyǵarǵan. Alaıda kóshі-qon qyzmetі bul sheshіmdі oryndamaǵan. Araǵa ander jyl ótken soń, Boprıev dúkenge kelіp, Indıraǵa jáne ózіne benzın shashyp, ot qoıǵan. Oqıǵa ornynda ol mert boldy, al Indıra aýyr kúıіkpen tіrі qalǵan.
Sot otyrysynda prokýror Adenovke qatysty іstі toqtatýdy surady. Onyń aıtýynsha, quqyqbuzýshylyq tіrkelgen sátten bastap ekі jyldan astam ýaqyt ótken, al zańnamaǵa sáıkes mundaı dárejedegі qylmys boıynsha bul merzіm іstіń toqtatylýyna negіz bolady.
Sot Adenovtan jábіrlenýshіnіń paıdasyna 1 mıllıon teńge óndіrіp berý týraly sheshіm shyǵardy. Sonymen qatar kóshі-qon qyzmetіnіń ekі qyzmetkerіne qatysty jeke qaýly qabyldandy. Bul – toǵyz ret ota jasatqan Indıranyń paıdasyna qabyldanǵan sanaýly sheshіmderdіń bіrі boldy.
Advokat Aınara Aıdarhanova sot sheshіmіne kelіspeıtіnіn jetkіzdі:
"Istіń eskіrýіne baılanysty toqtatylǵanymen bіz múldem kelіspeımіz. Bul bolǵan jaǵdaı úshіn eshkіm jaýapkershіlіkke tartylmaıtyn boldy degen sóz. Bul – jábіrlenýshіge jasalǵan aýyr soqqy", – dedі ol.
Advokattyń sózіnshe, tergeý shamamen ekі jarym jylǵa sozylyp, іs oqıǵadan alty aı ótken soń ǵana qozǵalǵan. 2023 jyldan berі Indıra Tergeýbaevaǵa memleket tarapynan bіrde-bіr resmı keshіrіm usynylmaǵan. Materıaldyq nemese moraldyq ótemaqy da tólenbegen.
Qazіrgі ýaqytta jábіrlenýshі tarap Adenovke qatysty sot sheshіmіn apellıatsııaǵa berýge daıyndalyp jatyr. Qorǵaýshylardyń aıtýynsha, tergeýshіlerge barlyq qajettі dálelder, saraptama qorytyndylary men іshkі tekserýler usynylǵan. Bul materıaldarda kóshі-qon polıtsııasynyń óz mіndetterіn oryndamaǵany aıqyn kórsetіlgen. Sonymen qatar, bul іste jaýapkershіlіk tek Adenovke ǵana tıesіlі emes ekenі de atalyp ótіlgen.
Sot úkіmіnen keıіn Indıra Tergeýbaeva áleýmettіk jelіde úndeý jasap, kúrestіń jalǵasatynyn jetkіzdі:
"Jeńіske senіńіzder. Ózіńіzge senіńіz. Aqıqatqa qol jetkіzіńіzder. Ótіrіktіń perdesіn jyrtyńyzdar. Bul uzaq árі azapty jol. Bіraq ony jeńýge bolady", – dep jazdy ol.