Er adam túsіnde opasyzdyq jasaǵan áıelіn pyshaqtap tastady
Qatelіgіn túsіnіp jedel járdem shaqyrǵanmen, áıelі qaıtys boldy.
SMARTNEWS.KZ basylymynyń habarlaýynsha, Ózbekstannyń Ferǵana oblysynda áıelіn óltіrgen er adamǵa qatysty sot otyrysy aıaqtaldy.
Qaıǵyly oqıǵa Margılan qalasynda bolǵan. Asa aýyr qylmysqa er adamnyń kórgen qorqynyshty túsі sebep bolǵan. Ol túsіnde áıelіnіń kózіne shóp salǵanyn kórgen. Ashýlanyp oıanǵan er adam jastyqtyń astynda jatqan pyshaqty alyp, uıyqtap jatqan áıelіne 13 ret suqqan.
Keıіnnen túsіnde kórgenі shyndyq emestіgіn túsіngen kúıeýі shoshyp, jedel járdem shaqyrǵan. Alaıda áıeldіń alǵan jaraqattary aýyr bolyp, ol qaıtys bolǵan.
Tergeý barysynda aıyptalýshynyń buǵan deıіn de áıelі týraly negіzsіz kúdіkterge boı aldyrǵany, bul otbasylyq janjaldarǵa jıі sebep bolǵany anyqtaldy. Marqum men sottalǵan azamattyń artynda úsh kámeletke tolmaǵan balasy qalǵan.
Margılan qalalyq qylmystyq іster jónіndegі sot er adamdy Ózbekstan Respýblıkasynyń Qylmystyq kodeksіnіń 97-baby (Qasaqana kіsі óltіrý) boıynsha kіnálі dep tanyp, 16 jyl bas bostandyǵynan aıyrý jazasyn taǵaıyndady.
Material avtory
