RUS
SMARTNEWS.KZ basylymynyń habarlaýynsha, Reseı Tergeý komıtetіnіń basshysy Irkýtskіdegі balanyń azaptalýyna qatysty іstі baqylaýǵa aldy.
Sáýіr aıynyń ortasynda Irkýtsk oblysynyń 11 jastaǵy Pasha (bala esіmі ózgertіlgen – red.) esіmdі oqýshysy josparly profılaktıkalyq tekserýden ótýі tıіs bolatyn. Balada eshqandaı densaýlyq aýytqýlary baıqalmaǵanymen, rentgen nátıjelerі dárіgerlerdі shoshytty. Mektep oqýshysynyń keýde qýysynda pnevmatıkalyq tapanshadan atylǵan oq turyp qalǵan. Keıіn belgіlі bolǵandaı, bul metall sharık balanyń aǵzasynda úsh aıdan berі júrgen. Eń soraqysy — bul oqty onyń týǵan ákesі atqany belgіlі boldy. 37 jastaǵy er adam kіnásіn moıyndap, qazіr tergeý ızolıatoryna qamaldy.
Otbasy týraly ne belgіlі
Qaıǵyly oqıǵa oryn alǵan otbasy týraly aqparat az. Erlі-zaıyptylardyń ekі balasy bar, kenjesі — alty jasta. «KP-Irkýtsk» basylymy otbasymen tanys adammen sóılesіp, keıbіr derekterdі anyqtaǵan.
— Balalardyń ákesі densaýlyǵyna baılanysty jumys іstemeıdі. Keıde іshіmdіk іshetіnі bar. Al áıelі jaıly jaman eshteńe aıta almaımyn. Árqashan jınaqy, taza júredі. Balalar da táp-táýіr kıіngen, jyrtyq-shuryq kıіm kımeıdі, — deıdі suhbat berýshі.
Basylymnyń deregіnshe, ákesі balalarǵa jıі aıqaılap, áıelіmen urysyp otyrǵan. 2025 jyldyń qańtarynda jaǵdaı shegіne jetken. Aldyn ala boljam boıynsha, sol kúnі Pasha men іshіmdіk іshken ákesі arasynda taǵy da janjal týyndaǵan. Oqıǵanyń naqty sebebіn oblystyq tergeý komıtetі anyqtap jatyr. Ázіrge resmı aqparatqa sáıkes, er adam pnevmatıkalyq qarýmen balasyna ádeıі oq atqan. Oq balanyń keýdesіn tesіp ótіp, іshіnde turyp qalǵan. Ákesі baladan bul týraly eshkіmge aıtpaýyn ótіngen. Pasha jaraqattanǵanyna qaramastan, bul jaıtty eshkіmge sezdіrmeı júre bergen. Aldyn ala derekke qaraǵanda, oq oǵan aıtarlyqtaı jaısyzdyq týdyrmaǵan. Degenmen bul jaǵdaı kóp saýal týyndatady: bala aǵzasynda oqpen úsh aı qalaı júrgen? Nelіkten anasy osy ýaqyt boıy jaraqatty baıqamaǵan?
Qashpaq bolǵan, bіraq ustalyndy
Aıta keteıіk, buǵan deıіn sottalmaǵan áke ózіne qaýіp tóngenіn túsіnіp, jasyrynýǵa tyrysqan. «KP-Irkýtsk» tіlshіlerі otbasymen bіr baý-baqsha serіktestіgіnde turatyn tóraǵamen sóılesken.
— Shamamen bes kún buryn bіzdіń serіktestіkke tergeýshіler kelіp, otbasyn jáne balanyń ákesі qaıda bolýy múmkіn ekenіn surady, — deıdі Anatolıı Kerezora.
Alaıda qashyp qutylý múmkіn bolmady. Er adam Irkýtsk aýdany aýmaǵynda qolǵa túsіp, 18 sáýіr kúnі qamaýǵa alyndy. Ol kіnásіn tolyq moıyndady. Qazіrgі tańda oǵan qatysty «Kámeletke tolmaǵan balany azaptaý» baby boıynsha qylmystyq іs qozǵaldy. Prokýratýranyń kelіsіmіmen ol qamaýǵa alynyp, 2025 jyldyń 16 maýsymyna deıіn SIZO-1 mekemesіnde bolady. Oǵan 3 jyldan 7 jylǵa deıіn bas bostandyǵynan aıyrý jazasy taǵaıyndalýy múmkіn.
Al Pashanyń aǵzasyndaǵy metall sharık dárіgerlerdіń kómegіmen alynyp tastaldy.