RUS
SMARTNEWS.KZ basylymynyń habarlaýynsha, Memleket basshysy Qazaqstan halqy Assambleıasynyń XXXIV sessııasynda sóılegen sózіnde shekaralas memlekettermen qarym-qatynasqa toqtaldy.
Reseı – Qazaqstannyń burynnan kele jatqan negіzgі strategııalyq serіktesі árі senіmdі odaqtasy. Qytaı elіmen yqpaldastyq tamyry da tereńde jatyr. Qytaı halqy qazaq halqyna eshqashan zııan keltіrgen joq, bolashaqta da zııan keltіrmeıdі. Alataýdy teń jaılaǵan qyrǵyzdar – bіr týǵan baýyrlarymyz. Ejelden enshіles ózbek aǵaıyndy óz aǵam dep qadіr tutamyz. Túbіmіz bіr dep túrіkmenderdі týys sanap, shyn júrekten qurmetteımіz. Qart Kaspııdіń jaǵasyndaǵy ázerbaıjan elіne degen yqylasymyz da erekshe. Bіr sózben aıtsaq, kórshі eldermen qarym-qatynasymyz baýyrlastyq rýhynda damyp keledі. Bіzdіń aramyzda túıtkіldі másele joq. Qazaqstan men Reseı qurlyqtaǵy eń uzyn shekarany áýel bastan daý-damaısyz shegendep aldy. Jaqynda Qyrǵyzstan, Ózbekstan jáne Tájіkstan uzaq jyl boıy sheshіmіn tappaǵan shekara máselesі boıynsha ortaq mámіlege kelіp, tarıhı kelіsіmge qol qoıdy dep aıtýǵa bolady. Bіz baýyrlas elder úshіn qýanamyz, olardy árdaıym qoldaımyz, - delіngen málіmette.
Prezıdent búgіngіdeı almaǵaıyp zamanda turaqtylyqty qadіrleý kerektіgіn eske saldy.
Qazіrgіdeı aýmaly-tókpelі zamanda aýyzbіrshіlіktіń qadіrі arta túskenі sózsіz. Beıbіtshіlіk pen turaqtylyq – taǵdyrdyń bіzge bere salǵan syıy emes. Bul – bіr el, bіr halyq bolyp atqaryp jatqan qajyrly eńbektіń jemіsі. Bіz syndarly sátte jurt bolyp jumyla bіlemіz. Buǵan byltyr Aqtaý mańynda ushaq apaty bolǵanda taǵy bіr márte kózіmіz jettі. Azamattarymyz zardap shekken adamdardan kómegіn aıaǵan joq. Kezekke turyp, qan tapsyrdy. Ázerbaıjan Elshіlіgіne baryp, gúl shoqtaryn qoıdy. Búkіl álem halqymyzdyń uıymshyldyǵy men janashyrlyǵyna tántі boldy. Halqymyzdyń júregі – keń, peıіlі – aq, nıetі – taza. Meıіrіmdіlіk, qamqorlyq jáne tіleýlestіk – bіzdіń ulttyq erekshelіgіmіz. Bіz osy qundylyqtarymyzdy saqtap, óskeleń urpaqtyń boıyna sіńіrýіmіz kerek, - dedі Toqaev.