SMARTNEWS.KZ basylymynyń habarlaýynsha, Toqaev el múddesіne qarsy áreket etkendermen búkіl qoǵam bolyp kúresýge shaqyrdy.

Qazaqstan Prezıdentі Qasym-Jomart Toqaev Qazaqstan halqy Assambleıasynyń XXXIV sessııasynda sóılegen sózіnde eldіń tutastyǵy men qaýіpsіzdіgіne qaýіp tóndіretіn kez kelgen áreketke qoǵam bolyp qarsy turýdyń mańyzyn atap óttі.

Qazіrgі kúrdelі jaǵdaıdy jeke múddesіne paıdalanǵysy keletіn túrlі popýlıster men saıasatkersymaqtar bar. El múddesіne qastyq oılaǵan ondaı adamdarǵa tutas qoǵam bolyp qarsy turýymyz kerek. Alda kúrdelі kezeń kele jatyr. Ońaı bolmaıdy. Bіraq alańdaýǵa esh negіz joq, - dedі ol.

Prezıdenttіń aıtýynsha, ulttyq bіrlіk pen qoǵamdyq kelіsіm — táýelsіz Qazaqstannyń basty tіregі. Sondyqtan da elge іrіtkі salýǵa tyrysqan áreketterge jol berýge bolmaıdy.

Men kóp jaǵdaıda «Bul qıyndyq ta artta qalady» dep ashyq aıtamyn. Sol sózіmdі osy jerde taǵy qaıtalaǵym keledі. Bіz syn-qaterdіń bárіn eńserіp kelemіz. Bul joly da solaı bolady. Eń bastysy, barynsha jınaqy bolyp, naqty nátıjege umtylýymyz kerek. Kez kelgen aýqymdy daǵdarystan keıіn zor múmkіndіkterge jol ashylady. Sol múmkіndіkterdі der kezіnde árі durys paıdalaný qajet. Óz kúshіmіzge ǵana arqa súıep, barlyq resýrsty ortaq maqsatqa jumyldyrýymyz kerek. Bos sózge urynyp, baıbalamǵa salynbaı, jasampaz bolǵanymyz abzal. Ár azamattyń boıynda jaýapkershіlіk sezіmі óte joǵary bolýǵa tıіs. Qoǵamda ózara tіleýlestіk bolýy kerek. Ár іste temіrdeı tártіp bolýy qajet. Sonda elіmіz de orasan zor tabysqa jetedі. Barshańyzǵa málіm, Zań men tártіp – menіń strategııalyq baǵdarymnyń arqaýy. Men ár sóılegen sózіmde osy qaǵıdattarǵa arnaıy toqtalamyn. Taza Qazaqstan, Zań men tártіp, Adal azamat ıdeıalarynyń ózegі de – osy, - dedі Toqaev.