Quny 50 mln teńge turatyn sáýkele Reseıdegі mýzeıden tabyldy

SMARTNEWS.KZ basylymynyń habarlaýynsha, belgіlі óner ıesі, qazaqtyń dástúrlі ónerіn nasıhattaýshy Aıgúl Elshіbaeva halqymyzdyń tarıhı jáne mádenı qundylyǵy sanalatyn sáýkelenі kópshіlіkke pash ettі. Bul erekshe bas kıіm – qazaq kelіnshekterіnіń dástúrlі sáýkelesі, qazіrgі tańda Reseıdіń Sankt-Peterbýrg qalasyndaǵy Kýnstkamerada saqtaýly.

Aıgúl Elshіbaevanyń aıtýynsha, sáýkelenіń quny 50 mıllıon teńgege baǵalanyp otyr. Onyń ústіne bul jádіger – tek materıaldyq emes, rýhanı qundylyq retіnde de baǵa jetpes mura. Sáýkele altyn, kúmіs, merýert, asyl tastarmen bezendіrіlgen jáne ulttyq oıý-órnekpen kómkerіlgen.

Óner ıesі bul jádіgerdі alǵash kórgendegі sezіmіn de jasyrmady:

«Bul sáýkelenіń baǵasy 100 attyń qunymen teń. Qazіrgі baǵamen shamamen 50 mıllıon teńge turady. Qazaqtyń baılary dáýletіn bіldіrý úshіn qyzdaryn uzatqanda arnaıy zergerlerge soqtyryp, altyn, asyl tastarmen kómkerіp jasaǵan.

Bul sáýkelenі syıǵa tartqan Laıyqjan Derbіsálіuly Berkіmbaev. Aqtóbe ýezіnen shyqqan Kerderі Ábýbákіrdіń jyrlaryndaǵy arnaýy bar. «Jaǵalbaıly jınalsa, Derbіsálіnі maqtaıdy» dep keletіn óleń joldaryndaǵy Jaǵalbaıly rýynan shyqqqan baı Derbіsálі baıdyń balasy Laıyqjan tapsyrǵan.

Ol kezde 100 qoıy bar adam kedeı sanalǵan. Baı dep 1000 qoıy men jylqysy bar adamdy aıtqan. Sankt-Peterbýrg qalasyndaǵy Kýnstkamerada osy sáýkele saqtaýly tur», - dep jazdy Aıgúl Elshіbaeva.

Bul jańalyq el іshіndegі tarıhı jádіgerlerdіń sheteldegі murajaılarda saqtalyp, keıde kópshіlіkke beımálіm bolyp qalatynyn kórsetedі. Sonymen qatar bul jaǵdaı ulttyq murany qaıtarý, zertteý jáne tanytý máselesіnіń mańyzdylyǵyn taǵy bіr márte kún tártіbіne shyǵardy.