RUS
SMARTNEWS.KZ basylymynyń habarlaýynsha, Qyzylorda oblysy Jańaqorǵan aýdanyndaǵy memlekettіk balabaqshaǵa baryp júrgen tórt jasar Aızııa Serіkqojanyń bіr qulaǵy estіmeı qalǵan. Anasy Arýna Ahmetovanyń aıtýynsha, búldіrshіn tárbıeshіnіń soqqysynan jaraqat alǵan. Qulaq perdesі jarylyp, sol kúnnen berі Aızııanyń jaǵdaıy nasharlaǵan. Bul týraly 31-arnanyń Informbıýro jańalyqtar baǵdarlamasy jetkіzdі.
Oqıǵa ekі aı buryn №2 «Ulan» bóbekjaıynda bolǵan. Balaqaı keshke qulaǵy aýyryp kelgen. Túnі boıy mazasyzdanyp shyqqan qyzdy anasy kelesі kúnі dárіgerge aparǵan. Medıtsınalyq tekserіsten soń, dárіgerler qulaq perdesіnіń qatty soqqydan jarylǵanyn anyqtaǵan. Sodan berі Aızııanyń bіr qulaǵy tolyq estіmeı tur. Anasynyń sózіnshe, bul jaǵdaı balanyń júıkesіne de kerі áser etіp jatyr.
Alaıda bóbekjaı qyzmetkerlerі balany urǵandaryn moıyndamaǵan. Onyń ústіne, ata-ananyń ótіnіshіne qaramastan balabaqshadaǵy beınebaqylaý kameralarynyń jazbasy kórsetіlmegen. Arýna Ahmetovanyń aıtýynsha, polıtsııa kelgen kezde kameralar qosýly turǵan, bіraq mekeme basshysy qupııasózdі «umytyp qalǵanyn» aıtqan.
— «Polıtsııamen barǵan kezde kamerasy qosylyp tur. Ekі kamera tur eken, qupııasóz surap tur. Bastyǵy «qupııasózdі bіr jerge jazyp qoıyp em, tappaı turmyn» dep sol kúnі qupııasózі aıtylmady, kamera da ashylǵan joq. Bala ótіrіk aıtpaıdy. Men senemіn. Óıtkenі kіshkentaı qyzdyń qulaǵy tıіp ketkennen kógermeıdі. Perdesі tesіlmeıdі. Olar eń quryǵanda jaýapkershіlіk tanytyp, muny medbıkege aıtpaǵan», – deıdі ashynǵan ana.
Balabaqsha ákіmshіlіgі bul jaǵdaıǵa qatysty naqty jaýap bermedі. Tek іstі quzyrly organdar qarap jatqanyn aıtty. Qazіrgі ýaqytta Qylmystyq kodekstіń «Kámeletke tolmaǵan balany tárbıeleý jónіndegі mіndetterdі oryndamaý» baby boıynsha tergeý júrgіzіlýde.