SMARTNEWS.KZ basylymynyń habarlaýynsha, Reseıdіń Máskeý oblysyndaǵy Podolsk qalasynda 57 jastaǵy Vasılıı Petrov óz qolymen qurastyrǵan qarýmen kóshege shyǵyp, 36 jastaǵy áıeldі oqpen óltіrdі. Bul týraly Reseıdіń buqaralyq aqparat quraldary habarlady.

Qaıǵyly oqıǵa Temіrjol kóshesіndegі balalar alańynda tún ortasynda bolǵan. Kýágerlerdіń aıtýynsha, er adam túngі ýaqytta alańda shýlap júrgen jastarǵa ashýlanyp, aldymen eskertý retіnde aýaǵa oq atqan. Alaıda jastar onyń qarýyn tartyp alýǵa tyrysqan sátte, oq kezdeısoq Ekaterına K. esіmdі áıeldіń keýdesіne tıіp, ol oqıǵa ornynda qaza tapty.

Kúdіktі Vasılıı Petrov oqıǵa ornynda ustalyp, oǵan Reseı Federatsııasynyń Qylmystyq kodeksіnіń 105-baby ("Kіsі óltіrý") boıynsha aıyp taǵyldy. Tergeý іsіn Máskeý oblysynyń tergeý komıtetі júrgіzіp jatyr. Qylmystyq іs prokýratýra baqylaýyna alynǵan.

Qazіrgі málіmetke sáıkes, er adamǵa 15 jylǵa deıіn bas bostandyǵynan aıyrý jazasy taǵaıyndalýy múmkіn.