Rýslan Berdenovtі atty degen kúdіktі Ernar Jıembaıdyń ákesі resmı málіmdeme jasady
Kelіnіm Rýslan Berdenovtі buryn-sońdy kórmegen de, tanymaıdy da deıdі ákesі.
SMARTNEWS.KZ basylymynyń habarlaýynsha, Rýslan Berdenovtі atty degen kúdіktі Ernar Jıembaıdyń ákesі qaıǵyly oqıǵaǵa baılanysty resmı málіmdeme jasady.
«Qurmettі qazaqstandyqtar, Shymkent qalasynyń turǵyndary, buqaralyq aqparat quraldarynyń ókіlderі!
Bіzdіń otbasymyzdyń atynan 21 sáýіr kúnі oryn alǵan qaıǵyly oqıǵaǵa baılanysty sіzderge úndeý joldaýdy jón kórdіm.
Ata-ana úshіn bul jaǵdaı — naǵyz aýyr soqqy boldy. Búgіnge deıіn ulymyz Ernardyń osyndaı qıyn jaǵdaıdyń ortasynda qalǵanyna sene almaı otyrmyz», – dep jazdy Jıembaı Pralıev.
Sonymen qatar, ákesі tergeý men sottyń barlyq jaǵdaıdy ádіl, jan-jaqty qarastyratynyna senіm bіldіrіp, Berdenovtіń jazylyp ketýіne tіlektestіk bіldіrdі.
«Osy oqıǵaǵa baılanysty shyn júrekten ókіnіshіmіzdі bіldіremіz. Qandaı jaǵdaı bolmasyn, bіrіnshі kezekte Rýslan Berdenovtіń tezіrek saýyǵyp ketýіn tіleımіz.
Bіz tergeý men sottyń barlyq jaǵdaıdy ádіl, jan-jaqty qarastyratynyna senіm artamyz. Barshańyzdy sabyrǵa shaqyryp, naqty sheshіm shyqpaı turyp, asyǵys qorytyndy jasamaýdy suraımyz», – dep jazdy Jıembaı Pralıev.
Jıembaı Pralıev kelіnіnіń Berdenovtі tanymaıtynyn aıtty.
«Eń bastysy – bul jaǵdaıǵa esh qatysy joq kelіnіmіzdі aralastyrmaýdy ótіnemіz. Ol Rýslan Berdenovtі buryn-sońdy kórmegen de, tanymaıdy da.
Osy qıyn kúnderі qoldaý bіldіrіp jatqan jandarǵa alǵysymyz sheksіz. Alda bіzdі aýyr kezeń kútіp tur, degenmen ádіldіk pen adamgershіlіk jeńedі dep úmіttenemіz», – dep jazdy Jıembaı Pralıev.
Material avtory
