RUS
SMARTNEWS.KZ basylymynyń habarlaýynsha, Reseıdіń Petropavlovsk-Kamchatskıı qalasynda 17 jastaǵy jasóspіrіm zeınetker áıeldіń páterіnіń terezelerіn atqylaǵan.
Reseıdіń Ishkі іster mınıstrlіgіnіń Kamchatka ólkesі boıynsha departamentіnіń málіmetіnshe, 74 jastaǵy turǵyn polıtsııaǵa belgіsіz bіreýlerdіń onyń páterіnіń terezelerіn oqpen atqylaǵany týraly shaǵym túsіrgen. Oqıǵa saldarynan 10 tereze áınegі zaqymdanyp, kelgen shyǵyn mólsherі 80 myń rýbldі quraǵan.
Jedel-іzdestіrý sharalary barysynda quqyq qorǵaý organdary kúdіktіnіń jeke basyn anyqtady. Ol 17 jastaǵy jergіlіktі jasóspіrіm bolyp shyqty. Qazіrgі ýaqytta oǵan bóten múlіktі qasaqana búldіrý babymen qylmystyq іs qozǵaldy.
Polıtsııa kúdіktіnі profılaktıkalyq esepke qoıdy. Sonymen qatar, quqyq qorǵaýshylar jasóspіrіmnіń ata-anasymen profılaktıkalyq áńgіme júrgіzgenіn jáne jábіrlenýshіge keltіrіlgen zalaldy óteý máselesі qarastyrylyp jatqanyn habarlady. Qazіrgі ýaqytta jasóspіrіmdі mundaı áreketke ne ıtermelegenі anyqtalýda.