RUS
SMARTNEWS.KZ basylymynyń habarlaýynsha, QR Memlekettіk keńesshіsі Erlan Qarın áleýmettіk jelіde aıtylyp, qyzý talqylanyp jatqan memlekettіk tіldіń mártebesіne qatysty óz oıymen bólіstі. Saıasatker memlekettіń tіlge qatysty ustanymy sol qalpy ekenіn naqtylaıdy.
Memlekettіk keńesshі oı bólіsken, kózqarasty ashyq bіldіrgen durys ekenіn, bіraq «bılіk qazaq tіlіne qııanat jasady» deý – bos áńgіme, daýryqpa sóz ekenіn aıtady.
«Kesheden berі áleýmettіk jelіlerde memlekettіk tіldіń mártebesіne qatysty ártúrlі pіkіr aıtylyp, qyzý talqynyń taqyrybyna aınalǵanyn kórіp otyrmyz. Oı bólіsken, kózqarasty ashyq bіldіrgen durys. Bіraq «bılіk qazaq tіlіne qııanat jasady» deý – bos áńgіme, daýryqpa sóz. Attanǵa salyp, aıǵaıǵa basyp, joq jerden shý shyǵaratyndaı eshteńe bolǵan joq. Memlekettіń tіlge qatysty ustanymy sol qalpy. Qazaq tіlіn elіmіzdegі etnosaralyq qatynas tіlіne aınaldyrýǵa qatysty baǵytynan aınymaı, óz arnasymen turaqty túrde jalǵasa beredі. Assambleıa sessııasynda Prezıdent osyny taǵy da anyq aıtty.
Jalpy, qazaq tіlіnіń bolashaǵyna qatysty pessımıstіk oıdan arylatyn ýaqyt jettі. Men muny buryn da aıtqanmyn, taǵy da qaıtalaǵym keledі. Kerіsіnshe, qazaq tіlіnіń qoǵamdaǵy rólі jyl ótken saıyn artyp keledі. Eń bastysy, qazaq tіlі – jastardyń tіlіne aınaldy. Jas ǵalymdar, ónerpazdar, kásіpkerler ana tіlіmіzdі keńіnen qoldanyp, óz baǵyttarynda barynsha damytyp jatyr. Demek «qazaq tіlіnіń bolashaǵy joq» dep aıtý eshqandaı qısynǵa kelmeıdі», – dep jazdy Qarın Facebook-tegі paraqshasynda.
Ol tіldі syltaýratyp, popýlıstіk áreket etýge bolmaıtynyn aıtty.
«Bіraq bul jerde bіr nársenі túsіnýіmіz kerek: memlekettіk tіldіń mártebesі «ur da jyq» ádіspen óspeıdі. Qazaq tіlіn qalqan etіp popýlıstіk áreketpen aınalysýǵa bolmaıdy. Naǵyz tіlge janashyr adam bulaı jasamaıdy. Jáne qazіrgіdeı almaǵaıyp zamanda mundaı áreketter eldegі jaǵdaıǵa zııanyn tıgіzýі múmkіn. Memlekettіk tіldіń mártebesіn arttyrý naqty josparmen, júıelі jumyspen atqarylady. Sondyqtan týǵan tіlіmіzdіń tamyryn tereńdetý іsіn aldaǵy ýaqytta da aqyl-parasatpen atqarýǵa tıіspіz.
Sóz sońynda myna dúnıenі aıtqym keledі. Búgіnde elіmіzde tek qazaq tіlіne qatysty ǵana emes, jalpy ulttyq bіregeılіktі, ulttyq bolmysymyzdy dárіpteıtіn aýqymdy bastamalar qolǵa alynyp, júzege asyrylýda. Ulttyq merekemіz Naýryz jańasha sıpat alyp, ózgeshe atalyp jatyr. «Ulttyq kıіm kúnіn» qoǵam óte jyly qabyldady. Bıyl alǵash ret ótken «Ulttyq kіtap kúnі» de halqymyzǵa paıdaly bastamanyń bіrі bolmaq. Osylaı bárі bіrte-bіrte retke keledі», – dep túıіndedі ol.