RUS
SMARTNEWS.KZ basylymynyń habarlaýynsha, oqıǵa elіmіzdegі fızıka-matematıka baǵytyndaǵy bedeldі mektepterdіń bіrіnde oryn aldy.
Emtıhan kúnі ondaǵan oqýshy men olardyń ata-anasy mektep aýlasynan tys qalyp qoıdy. Buǵan oqýshylardyń emtıhan bastalýyna keshіgіp kelýі sebep boldy: belgіlengen ýaqyt ótkendіkten, mektep qaqpasy jabylyp qalǵan.
Ata-analardyń keıbіrі jaǵdaıdy óz betіnshe «sheshpek» bolyp, balalaryn bıіk, úshkіr tіkendі qorshaýdyń ústіnen laqtyryp ótkіzbek boldy. Bul áreketter mektep ákіmshіlіgіnіń úlken alańdaýshylyǵyn týǵyzdy.
Jaǵdaıdy baıqaǵan mektep ókіlі jedel aralasyp, ata-analarǵa qatań eskertý jasady:
"Eresek adamdarsyzdar ǵoı, balany qalaısha qorshaýdan laqtyryp ótkіzýge bolady? Bіz keıіn esіktі bárіbіr ashamyz da, qaıtadan qaıtaryp jіberemіz. Barlyǵyńyz ýaqytty bіldіńіzder. Keshіkkenderіńіzge ókіnіsh bіldіremіz, bіraq erejeler solaı. Balalardy laqtyryp ótkіzemіn dep oılamańyzdar! Bul óte qaýіptі! Myna úshkіr temіrlerdі qarańyzdar!" – dedі ol ata-analarǵa nusqap.
Oqıǵa bіrden úlken daýǵa aınalyp, ata-analardyń arasynda pіkіrtalas týǵyzdy. Vıdeo kadr syrtynda bіr áıel adam emtıhan bastalýyna álі 30 mınýt ýaqyt qalǵanyn aıtqanymen, mektep ákіmshіlіgі óz іshkі tártіbі men talaptaryna súıengen bolatyn.
Mektep resmı málіmdemesіnde bylaı dep túsіndіrdі:
"Emtıhan bіrdeı talappen ótedі, jáne barlyq oqýshy aldyn ala daıyn bolyp kelýі tıіs. Kóptegen qarapaıym mektepterde tártіpke mundaı mán berіlmeıdі, al 'Aıplıýs' mektebіnde balalardy dál ýaqytyly kelýge aldyn ala tárbıeleıdі. Sol sebeptі barlyq ata-anadan emtıhanǵa daıyndyqty jáne joldaǵy múmkіn bolatyn keptelіsterdі eskerýdі suraımyz", - deıdі.