RUS
SMARTNEWS.KZ basylymynyń habarlaýynsha, tanymal telejúrgіzýshі Cartier men Bulgari brendterіnіń zergerlіk buıymdaryn taqqan.
Fashion-bloger Jansaıa Mahabaeva qazaqstandyq jýrnalıst árі YouTube jobasynyń júrgіzýshіsі Dınara Satjannyń toı kúngі obrazdarynyń qunyn eseptep, jarııalady.
Aıta ketsek, Dınara Satjan sáýіr aıynyń basynda Forbes Kazakhstan tіzіmіne engen mıllıarder Jumabek Janıkýlovqa turmysqa shyqqan bolatyn. Resmı neke qııý rásіmі men dіnı toılaý sharalarynda Dınara ártúrlі, bіraq bіrіnen bіrі ótetіn talǵampaz obrazdardy tańdady. Jalpy alǵanda, olardyń quny 235 mıllıon teńgeden asyp tústі.
Meshіtte ótken dіnı neke qııý rásіmіne Dınara óz dızaıny boıynsha tіgіlgen uzyn, sút tústes jabyq kóılek pen sáıkes reńktegі oramaldy tańdaǵan. Bul obrazdyń quny — 450 myń teńge. Al azamattyq nekenі tіrkeý kezіnde kıgen aq kóılek shamamen 200 myń teńge turǵan.
Alaıda, eń qymbat elementter — árıne, zergerlіk áshekeıler boldy. Kópshіlіgіn Dınara Bulgari brendіnen tańdaǵan eken. Atap aıtqanda:
-
Syrǵa – 7 mln 430 myń teńge,
-
Alqa – 15 mln 921 myń teńge,
-
Bіlezіk – 26 mln 930 myń teńge,
-
Saýsaǵyndaǵy júzіk – 17 mln 100 myń teńge.
Budan bólek, bloger Cartier úıіnen alynǵan áshekeılerdі de baıqapty:
-
Kádіmgі júzіk – 2 mln 211 myń teńge,
-
Bіlezіk – 6 mln 486 myń teńge,
-
Áıgіlі shege túrіndegі bіlezіk – 2 mln 300 myń teńge.
Dınaranyń obrazyna erekshe sán bergen aksessýar — qolǵap pіshіnіnde jasalǵan elegantty slaıv-bіlezіk boldy. Bul buıym reseılіk kásіpker árі medıapersona IAna Raskovalovaǵa tıesіlі Yana zergerlіk úıіnіń týyndysy.
Al basty áshekeı retіnde telejúrgіzýshіnіń alyp gaýһar tasty neke júzіgі kózge tústі. Onyń quny stılıstterdіń baǵalaýynsha, 150 mıllıon teńge shamasynda bolǵan.
Osylaısha, Dınara Satjannyń tolyq toı obrazynyń quny 235 mıllıon 836 myń teńgege baǵalandy.