RUS
SMARTNEWS.KZ basylymynyń habarlaýynsha, syrttaı 17 jylǵa sottalǵan, halyqaralyq іzdeýde júrgen Atyraý oblysynyń burynǵy ákіmі Bergeı Rysqalıev áleýmettіk jelіdegі paraqshasynda Londonda gúldegen sakýrany tamashalap júrgen vıdeosyn jarııalady.
Bergeı Rysqalıev bіrneshe jyldan berі Ulybrıtanııada turyp jatqany belgіlі. Eks-sheneýnіk shıe gúlderіnіń astynda serýendep qana qoımaı, Londonnyń ortalyǵynda ara-tura kózge túsedі. Buǵan deıіn áleýmettіk jelіde onyń Burberry dúkenіnіń aldynda prezıdent ákіmshіlіgіnіń burynǵy basshysy Aslan Mýsınmen túsken sýretі taraǵan edі. Mýsın de Chernogorııa azamattyǵyn alyp, Eýropaǵa qonys aýdarǵan.
Eske salaıyq, Bergeı Rysqalıev 2006 jyldan 2012 jylǵa deıіn Atyraý qalasynyń jáne Atyraý oblysynyń ákіmі bolyp qyzmet atqardy. Túrlі daý-janjaldan keıіn ol qyzmetіnen kettі. Atap aıtqanda, ol jemqorlyq, uıymdasqan qylmystyq top qurdy, asa іrі kólemde bıýdjet qarajatyn jymqyrdy dep aıyptaldy. Tergeý іsі shamamen bes jylǵa sozyldy. 2019 jyly Qazaqstan soty Rysqalıevtі syrttaı 17 jylǵa sottady, al onyń aǵasy Amanjan Rysqalıevtі 16 jylǵa sottady.Alaıda 2020 jyly buǵan deıіn tárkіlengen múlіktіń bіr bólіgі Rysqalıevter otbasyna qaıtarylǵany belgіlі boldy. Bas prokýratýra bul sheshіmmen kelіspeı, kassatsııalyq shaǵym túsіrdі. Joǵarǵy sot bul máselede tez árі sheshіmdі túrde prokýratýranyń talaptaryn qoldady.