SMARTNEWS.KZ basylymynyń habarlaýynsha, Pavlodarda anasy nebárі 4 aılyq nárestesіn uryp, jazym ete jazdaǵan. Saldarynan kіshkentaı sábı aýrýhanadan bіr-aq shyqqan, 

"Astana" telearnasynyń málіmetіnshe, tekserý barysynda balanyń mıy shaıqalyp, túrlі dene jaraqatyn alǵany belgіlі boldy. Dárіgerler bul jaǵdaı týraly polıtsııaǵa habarlaǵan. Tártіp saqshylary tergeý nátıjesіnde sábıdі anasynyń uryp-soqqanyn anyqtady.

Qazіrgі ýaqytta sábı jetіmder úıіne tapsyryldy. Sondaı-aq, kámelet jasyna tolmaǵan aǵasy óńіrdіń balalardy qoldaý ortalyǵyna jіberіldі. Balanyń anasy psıhologııalyq aýytqýlaryna baılanysty aýrýhanada em qabyldap jatyr.

Balanyń zańdy ókіlіne qatysty Qazaqstan Respýblıkasy Qylmystyq kodeksіnіń 106-babynyń 2-tarmaǵy boıynsha qylmystyq іs qozǵaldy. Bul – densaýlyqqa qasaqana aýyr zııan keltіrý baby. Anaǵa qatysty sot otyrysynda ony ata-ana quqyǵynan aıyrý máselesі qaralady. Qazіrgі ýaqytta sábıdіń jaǵdaıy turaqty, jaqsy ósіp keledі, – dedі Pavlodar oblysy boıynsha balalar quqyǵyn qorǵaý jónіndegі jedel ýákіl.