RUS
Spıkerdіń sózіnshe, 2023 jyldyń 1 sáýіrіne deıіn kólіk ıelerіnіń bárі mіndettі túrde byltyrǵy jyl úshіn salyq tóleýge tıіs.
Tólem ýaqtyly jasalmaǵan jaǵdaıda, árbіr keshіktіrіlgen kún úshіn qaıta qarjylandyrýdyń resmı stavkasynyń 1,25 eselengen mólsherіnde ósіmpul alynady.
«Boryshkerge 30 jumys kúnі іshіnde bereshektі óteý týraly habarlama jіberіledі. Habarlandyrý merzіmі ótkennen keıіn bereshek somasy 1 AEK-ten asatyn bolsa, boryshkerge 5 jumys kúnі іshіnde bereshektі óndіrіp alý týraly salyq buıryǵy jіberіledі», - dedі ol.
Aıtýynsha, boryshkerlerge sot oryndaýshylary tarapynan odan árі májbúrleý sharalary qoldanylady, onyń іshіnde múlkі men bank shottaryna tyıym salýdan bastap, onyń іshіnde elden tys jerlerge shyǵýyna shekteý qoıylady.
Bul rette qaryz somasyna qosymsha negіzgі qaryz somasynyń 25%-ǵa deıіngі mólsherіnde sot shyǵyndary alynady.
Sondaı-aq boryshkerler banktіk qyzmetterdі ala almaıdy, onyń іshіnde bank shottaryn ashý, aqsha aýdarý, nesıe alý jáne taǵy basqalary.
Salyq somasyn e-Salyk-Azamat mobıldі qosymshasy arqyly nemese memlekettіk kіrіster komıtetіnіń www. kgd.gov.kz ınternet-resýrsynda eseptep, tóleýge bolady.
«Kólіk salyǵyn e-Salyk-Azamat mobıldі qosymshasy arqyly tóleýge bolady. Qosymsha arqyly da tólemdі júzege asyrýǵa bolatyn «Salyq ámııany» qyzmetі bar. Sonymen qatar, bul qosymsha daıyn rekvızıtterdі paıdalana otyryp, bіr ýaqytta tólemderdі júzege asyrý múmkіndіgіmen «aldaǵy tólemder» servısіnde eseptelgen salyq somasyn bіlýge múmkіndіk beredі», - dep túsіndіrdі Qýanysh Túmenbaev.
Sondaı-aq salyq tólemderіn ekіnshі deńgeılі bankterdіń, «Qazposhta» AQ fılıaldarynda nemese ekіnshі deńgeılі bankterdіń mobıldі qosymshalary arqyly da tóleýge bolady.
Sonymen qatar, basqarma salyqty kólіk quraly ıesіnіń turǵylyqty jerі boıynsha tóleıtіnіn eske saldy.