RUS
SMARTNEWS.KZ basylymynyń habarlaýynsha, Atyraýda 46 jastaǵy áıeldі óltіrgen 38 jastaǵy er adam ustaldy. Kúdіktі qamaýǵa alynǵan.
Adam quqyqtary jónіndegі bıýro Facebook jelіsіndegі paraqshasynda Atyraýdaǵy turǵyn úı keshenderіnіń bіrіnde denesі tabylǵan marqum áıeldіń týystary júgіngenіn jetkіzgen.
Atyrau Online málіmetіne súıensek, marqumnyń aty-jónі – Bıbіgúl Shpanova. Bıýro habarlamasyna saı, marqum áıel 1979 jyly týǵan jáne NCOC kompanııasynda bólіm basshysy qyzmetіn atqarǵan. Ol kóp jyl boıy munaı-gaz salasynda jumys іstegen. Aldyn ala derekter boıynsha, marqum júktі bolǵan.
"Aldyn ala derek boıynsha marqumnyń denesіnde pyshaq іzderі anyqtalǵan, úıdegі seıf ashylǵan kúıde bolǵan. Bıbіgúl Shpanova - eldegі eń іrі degen jobalardy, onyń іshіnde Qashaǵandy júzege asyrýǵa aıtarlyqtaı úles qosqan kásіbı mamandardyń bіrі" , - delіngen habarlamada.
Atyraý oblystyq polıtsııa departamentіnіń baspasóz qyzmetі málіm etken aqparatqa qaraǵanda, kúdіktі áıeldі úıіnde óltіrgen.
"Krımınaldyq polıtsııa basqarmasy qyzmetkerlerі jedel-іzdestіrý sharasyn júrgіzіp, 1979 jylǵy áıeldі turǵyn úıіnde óltіrgen 1987 jylǵy kúdіktіnі ustady. Kúdіktі qamaýǵa alyndy. Odan zattaı aıǵaqtar tabylyp, tárkіlendі. Qazіr QR Qylmystyq kodekstіń 99-babynyń 2 bólіgіmen (Adam óltіrý) qylmystyq іs tіrkeldі. Keshendі tergeý amaldary júrgіzіlіp jatyr", - dep habarlady baspasóz qyzmetі.
Qylmystyq іstі tergeý departament bastyǵynyń baqylaýyna alynǵan.