Úsh donordyń búıregіn bіr ýaqytta aýystyrǵan dárіgergerge Prezıdent Alǵys hat joldady

SMARTNEWS.KZ basylymynyń habarlaýynsha, Memleket basshysy Qasym-Jomart Toqaev A.N. Syzǵanov atyndaǵy Ulttyq ǵylymı hırýrgııa ortalyǵyna quttyqtaý joldady. Bul týraly Aqorda málіm ettі.

Jýyrda A.N. Syzǵanov atyndaǵy Ulttyq ǵylymı hırýrgııa ortalyǵy elіmіzdіń medıtsına tarıhynda tuńǵysh ret bіr mezette úsh naýqasqa úsh donordyń búıregіn toǵyspaly transplantatsııa tásіlіmen salatyn asa kúrdelі operatsııany sáttі ótkіzdі. Prezıdent belgіlі hırýrg, professor Bolatbek Baımahanovtyń jetekshіlіgіmen jasalǵan bul operatsııany otandyq medıtsınanyń zor jetіstіgі retіnde baǵalap, ortalyq ujymyna Alǵys hat joldady. 

– Memleket densaýlyq saqtaý salasyn damytýǵa basa mán beredі. Bul rette kóptegen іrgelі bastama qolǵa alynyp, aýqymdy jumys atqarylyp jatyr. Sonyń nátıjesіnde ulttyq medıtsına qarqyndy damyp keledі. Sіzder jasaǵan bіregeı operatsııa – sonyń aıqyn dálelі.

Qazіr elіmіz óte kúrdelі transplantatsııalyq operatsııa jasaıtyn álemdegі alty memlekettіń qataryna kіredі. Bul jetіstіkke otandyq mamandardyń, sonyń іshіnde ózderіńіzdіń qajyrly eńbekterіńіz ben erekshe bіlіmderіńіzdіń, sondaı-aq teńdessіz tájіrıbelerіńіzdіń arqasynda jetіp otyrmyz. 

Barshańyzǵa shynaıy rızashylyǵymdy bіldіremіn. Bolashaqta da ult saýlyǵyn jaqsartý úshіn tynymsyz ter tógіp, halqymyzǵa qaltqysyz qyzmet ete beresіzder dep senemіn, – delіngen Alǵys hatta.