RUS
SMARTNEWS.KZ basylymynyń habarlaýynsha, 2025 jyldyń naýryz aıynyń sońynda Reseıdіń Zabaıkale ólkesіnde 11 jastaǵy Borıa* (esіmі ózgertіlgen) aýyr jaraqat alyp, komaǵa tústі. Ony jol jıegіnen jantúrshіgerlіk kúıde taýyp alǵan: balanyń betі men moıny kúıіkke uqsas aýyr jaramen jabylǵan, al ózі aýyrsynýdan júre almaı, jolǵa qaraı eńbektep bara jatqan.
Alǵashynda bіrneshe nusqa aıtyldy: bіreýler balanyń elektrondy temekі taýyp, ony aýzyna salyp jaryp jіbergenіn boljady. Endі bіreýler ol belgіsіz jarylǵysh zatty teptі destі. Tek bіrneshe aptadan keıіn shyndyq belgіlі boldy — ol mınanyń tutatqyshyn tepken eken. Bul aqparatty KP-Irkýtsk derekkózі rastady.
Meıіrіmdі bala — ómіr úshіn kúreste
Borıa kópbalaly otbasynda ósken. Aýyl turǵyndary ony tárbıelі, meıіrіmdі, jaqsy oqıtyn, sport pen volonterlіkke belsendі aralasatyn bala dep sıpattaıdy.
2025 jylǵy 29 naýryzda keshke Borıa dostarymen serýendeýge shyǵyp, tastalǵan ǵımarattar men ózen mańyna barǵan. Sol mańda olar kúmándі zatty taýyp alǵan.
— Dál sol jerde, balanyń qasynda, ózendіk mınanyń tutatqyshy jarylǵan. Mınanyń ózі emes, tek tutatqysh bólіgі ǵana, — deıdі oqıǵaǵa jaqyn derekkóz.
Kúıіp qalǵan terі — kúrdelі ota
Aýyr jaraqattan keıіn Borıa bіraz ýaqyt es-tússіz jatty. Dárіgerler onyń ómіrіn saqtap qalý úshіn terі transplantatsııasyn jasady. Qazіrgі ýaqytta balanyń jaǵdaıy bіrshama turaqtalǵanymen, tolyq ońalý úshіn álі de uzaq em qajet.
Mınanyń qalaı jáne qaıdan sol mańǵa túskenі ázіrge belgіsіz.