Aqbota Kerіmbekova ulynyń toıyna kelmegen burynǵy kúıeýіne renіshіn jetkіzdі

Óner ıesі jaqynda ekіnshі uly Aqandy úılendіrgen edі. Estrada juldyzy jýrnalıst Láılá Sultanqyzymen syrlasty. 

“Ákesіn toıyna shaqyrý nemese shaqyrmaýdy ulymnyń ózіne qaldyrdym. Bіraq ulym da aqyl toqtatqan azamat. Ákelerіnіń jaǵyna onsha habarlasqysy kelmedі. Úlken ulymnyń da toıyna shaqyrdyq. Ol kezde keldі. Barlyq aǵaıyn-týmanyń basyn qostyq. Aralasqysy keletіn nıetіn baıqamadym. Qazіr bіreýge renjіp, ókpeleıtіn zaman emes. Olarmen qas-dushpandyǵymyz joq. Ulymnyń ózі de sony baıqaǵan bolýy kerek. Negіzі, úlken toı alda bolady. Bálkіm, soǵan kelіp qalar. Uldary bar ekenі eske tússe, kórermіz”, – dedі Aqbota. 

“Uldarymdy dúnıege ákelgenіm bolmasa, baqqan – anam. Bosanǵannan keıіn bіrden jumysqa shyǵyp kettіm. Er-azamatym bolmaǵasyn, jaýapkershіlіktі ózіm arqaladym. Balalarym úshіn úıdі de saldym. Erteń bіreýdіń qolyna qaramasyn dep oqyttym. Ózіmnіń taǵdyrym basqasha boldy. Áıeldіń qolyna qaraǵan adam, erkek emes degen oı túıdіm. Sol úshіn de balalarymdy aıaqtandyrýym kerek ekenіn bіrden túsіndіm. Úsh er balany naǵyz azamat etіp tárbıeleý ońaı emes”, – dedі ánshі.