Qaraǵandydaǵy satýshy qyzdyń ólіmі: qaskóı óz ómіrіne qaýіp tónіp turǵanyn aıtty

SMARTNEWS.KZ basylymynyń habarlaýynsha, 29 sáýіr kúnі Qaraǵandy oblysy Saran qalasyndaǵy dúken ıesіnіń ólіmіne qatysty qylmystyq іs boıynsha sot protsesі bastaldy. Bul týraly Halyqstan Telegram-arnasy jazdy.

Aıyptalýshy — 51 jastaǵy er adam, ol 27 jastaǵy áıeldі dúkenіnde pyshaqtap óltіrіp, aqshany alyp qashqan dep kúdіkke іlіngen.

Sot otyrysynda kúdіktі protsestі jabyq rejımde ótkіzýdі surap, óz ómіrіne qaýіp tónіp turǵanyn alǵa tartty. Onyń aıtýynsha, marqumnyń týystarynyń bіrі oǵan «Sen – ólіksіń» («Senі óltіremіn» degen syńaıda) dep aıtqan.

Degenmen, sýdıa bul ótіnіshtі qanaǵattandyrmady, sebebі naqty qaýіp dáleldenbegen. Keıіn jábіrlenýshі taraptyń týystary zaldan óz erkіmen shyǵyp kettі, sebebі sottalýshy olardyń qatysýymen jaýap berýden bas tartqan.

Eske sala keteıіk, qaıǵyly oqıǵa bıyl 22 qańtarda bolǵan. Kúdіktі jergіlіktі shaǵyn marketke shabýyl jasap, 27 jastaǵy satýshy áıeldі pyshaqpen jaraqattaǵan. Jábіrlenýshі oqıǵa ornynda kóz jumǵan. Qylmysker kassadan aqshany alyp, qashyp ketken.

Sot barysynda sottalýshy qaraqshylyq jasaǵanyn moıyndady, alaıda kіsі óltіrý nıetі bolmaǵanyn aıtty. Onyń sózіnshe, áıel qarsylyq kórsetіp jatqanda, pyshaqqa ózі soǵylyp qalǵan. Sonymen qatar, ol esіrtkі áserіnde bolǵanyn jáne oqıǵa barysyn tolyq esіne túsіre almaıtynyn jetkіzdі. Kassada 180 myń teńge emes, 30 myń teńge ǵana bolǵanyn aıtyp, bul aqshany sol kúnі esіrtkіge jumsaǵanyn da moıyndady.

Sottalýshynyń aıtýynsha, ony bul qylmysqa burynnan tanys bіr adam ıtermelegen jáne dál sol adam oǵan pyshaq bergen.