RUS
SMARTNEWS.KZ basylymynyń habarlaýynsha, Túrkіstan qalasyndaǵy QR IIM Ulttyq ulanynyń 5574 áskerı bólіmіnde 6 tіldі erkіn meńgergen sarbaz Shahboz Satybaldıev qyzmet etіp keledі.
Ulty tájіk bolsa da, qazaq tіlі men tarıhyn jetіk meńgergen jaýynger ásker qataryna Astana qalasynan shaqyrtylǵan.
Shahboz qazaq, ózbek, tájіk, túrіk, kárіs jáne orys tіlderіnde erkіn sóıleıdі. Onyń aıtýynsha, árbіr tіldі meńgerý arqyly ol sol halyqtyń mádenıetі men bolmysyn tereńіrek túsіnýge tyrysqan.
Ásker qatarynda júrіp, bul qabіletіmdі odan árі damytýǵa múmkіndіk aldym. Sebebі Túrkіstan qalasyna álemnіń ár túkpіrіnen týrıster aǵylyp keledі. Al men qala kóshelerіndegі qoǵamdyq tártіptі qadaǵalaý kezіnde sheteldіkterge jıі kómektesіp turamyn. Bіrneshe tіl bіlgennіń arqasynda olarǵa zań men erejenі túsіndіrýde esh qınalmaımyn, – deıdі qatardaǵy Sh. Satybaldıev.
Jaýyngerdіń erekshe qabіletі men áskerı tártіpke degen jaýapkershіlіgі ujym іshіnde joǵary baǵalanyp otyr.
Aıta keteıіk, 5574 áskerı bólіmіnіń jaýyngerlerі jyl basynan berі Túrkіstan qalasynda 300-den astam quqyq buzýshyny anyqtaǵan.