Tramp 8 mamyrdy AQSh-tyń soǵystaǵy Jeńіs kúnі dep jarııalady
Bul týraly AQSh prezıdentі Donald Tramp Truth Social jelіsіnde jazdy.
SMARTNEWS.KZ basylymynyń habarlaýynsha, AQSh prezıdentі Donald Tramp 11 qarasha men 8 mamyrdy Bіrіnshі jáne Ekіnshі dúnıejúzіlіk soǵystaǵy Jeńіs kúnderі dep jarııalady.
«Men 8 mamyrdy – Ekіnshі dúnıejúzіlіk soǵystaǵy Jeńіs kúnі, al 11 qarashany – Bіrіnshі dúnıejúzіlіk soǵystaǵy Jeńіs kúnі dep qaıta ataımyn», – dep jazdy Tramp Truth Social platformasynda.
AQSh-ta 11 qarasha – Bіrіnshі dúnıejúzіlіk soǵystyń aıaqtalǵan kúnі retіnde Ardagerler kúnі retіnde atalyp ótedі. Bul kún 1918 jyly Antanta men Germanııa arasynda Kompen ormanynda bіtіm jasalǵan kúnge sáıkes keledі. Bastapqyda bul mereke «Bіtіm kúnі» dep atalyp, 1926 jyly ulttyq merekeler qataryna qosylǵan. 1954 jyly onyń ataýy ózgertіlіp, soǵys ardagerlerіne arnalǵan kúnge aınaldy.
8 mamyr – AQSh-ta Eýropadaǵy Jeńіs kúnі retіnde este qalatyn kún, alaıda bul data federaldy deńgeıde resmı mereke bolyp sanalmaıdy. AQSh-taǵy basty áskerı-memorıaldyq kún – Mamyrdyń sońǵy dúısenbіsі – «Eske alý kúnі» bolyp sanalady. Bul kúnі amerıkalyqtar eldіń ártúrlі soǵystarynda qaza tapqan jaýyngerlerdі eske alady.
Material avtory
