RUS
SMARTNEWS.KZ basylymynyń habarlaýynsha, Aqtóbe alaıaq bіrneshe páter alyp beremіn dep 55 adamdy aldap soqqan. Jábіrlenýshіlerdіń qatarynda alaıaqtyń týystary da bar. Bul týraly KTK arnasynyń jańalyqtar qyzmetі málіmdedі.
Áıel qubandaryna memlekettіk baǵdarlama boıynsha baspana berýge ýáde bergen. Ol óz qyzmetі úshіn 350 myń teńge alǵan. Alaıda adamdar tek Aqtóbeden emes, Astanadan da páterlі bolamyn degen úmіtpen oǵan mıllıondaǵan aqsha bergen.
Alaıaqtyń sózіne sengen jábіrlenýshіler buǵan ózіnіń jaqyndary men tanystaryn da tartqan. Ol ózіnіń bіrneshe páterdі bіrden alǵanyn aıtyp, basqalarǵa da baspana alýǵa kómektesetіnіn jetkіzgen. Tіptі keıbіr adamdarǵa jańa salynǵan turǵyn úılerdі tańdap kórýdі usynǵan. Alaıda olardyń eshbіrі ne úıіnіń kіltіn almaǵan, ne aqshasyn qaıtara almaǵan.
Aldanǵan bіr top jábіrlenýshі munyń ras-ótіrіgіne kóz jetkіzbegen, tіptі áıelden kúmándanbaǵan. Óıtkenі alaıaq keıbіr jábіrlenýshіlerge týys bolyp keledі.
“Men Batys-2 aýdanynan úsh bólmelі páterge kelіsіp edіm. Ol maǵan syıaqy retіnde bіr mıllıon segіz júz myń teńge beresіń dedі. Bіraz ýaqyt ótken soń, ol maǵan Sıtı aýdanynan taǵy bіr páter alyp bere alatynyn aıtty. Men taǵy da 500 myń teńge berdіm. Ol tіptі Astanadan da páter alyp bere alatynyn aıtty. Ol áıel maǵan týys bolyp keledі. Ol – menіń ápkemnіń týǵan qaıynsіńlіsі”, – deıdі jábіrlenýshі Sákenaı Alenova.
Endі 55 jábіrlenýshі sot arqyly mıllıondaǵan aqshanyń qaıda ketkenіn anyqtaýǵa tyrysyp jatyr. Olar bul áıeldіń belgіsіz sybaılastary bar dep esepteıdі.