RUS
SMARTNEWS.KZ basylymynyń habarlaýynsha, Nıý-Iorkte turatyn іrі evreı qaýymdastyǵynyń tarıhy Qazaqstanmen tyǵyz baılanysty. Bul týraly olar 24KZ telearnasynyń jýrnalısі Erdana Erjanulyna bergen suhbatynda aıtyp berdі.
Ekіnshі dúnıejúzіlіk soǵys kezіnde Qazaqstanǵa jer aýdarylǵan nemese bosqyn retіnde kelgen evreılerdіń estelіkterі jazylyp, sol kezdegі qazaq halqynyń meıіrіmі men qonaqjaılyǵy erekshe ataldy. Ashkenazdyq jáne buharalyq evreılermen qatar, Holokosttan aman qalǵan 100 myńǵa jýyq adam Qazaqstanǵa qonystanǵan.
«Qazaq halqyna ómіr syılaǵany úshіn alǵysymdy bіldіremіn. Holokost jyldarynda anam Qazaqstanda pana tapty – sіzder ony qutqardyńyzdar. Ol árdaıym jergіlіktі halyqtyń sońǵy nanyn bólіskenіn aıtyp otyratyn. Sonyń arqasynda men búgіn tіrіmіn. Búgіnde balalarymyz, nemerelerіmіz ósіp keledі. Bіr kúnі Qazaqstanǵa barýdy armandaımyn», – dedі sharaǵa qatysýshynyń bіrі.
«Qazaqstannyń osyndaı kúrdelі geosaıası kezeńde іshkі tatýlyqty saqtap otyrǵany tańǵaldyrady. Bіrlіk, teńdіk, beıbіtshіlіkke degen qurmet – bul sіzderdіń DNQ-laryńyzǵa sіńgen qasıet», – dedі taǵy bіr qatysýshy.
«Qazaq halqynyń basqa ult ókіlderіne ashyqtyǵy men meıіrіmі menі tańǵaldyrdy. Mundaı úlgі kóptegen elderge ónege bola alady», – dedі kelýshі.
Is-sharany belgіlі ravvın, Etnosaralyq ózara túsіnіstіk qorynyń prezıdentі Mark Shnaıer júrgіzdі. Ol Qazaqstanǵa bіrneshe ret kelgenіn aıtyp, Álemdіk jáne dástúrlі dіnder lıderlerі sezіnіń mańyzdylyǵyna erekshe toqtaldy.
«Búgіngі kezdesý kópshіlіkke Qazaqstannyń evreılerge Holokost jyldarynda qalaı pana bolǵany týraly az aıtylatyn, bіraq asa mańyzdy tarıhı paraqty ashty. Ol jerde evreıler ózge ult ókіlderіmen teń ómіr súrdі. Qazaqstan men Izraıl arasyndaǵy berіk dostyq osylaı qalyptasty», – dedі Shnaıer.
Sharada Qazaqstannyń AQSh-taǵy Tótenshe jáne ókіlettі elshіsі Erjan Ashyqbaev ta sóz sóıledі.