Grekııada áskerı nysandardy sýretke túsіrdі degen kúdіkpen Reseılіk tyńshy ustaldy
Kúdіktі sýretterdі arnaıy shıfrlanǵan habarlama arqyly shetelge joldap otyrǵan.
SMARTNEWS.KZ basylymynyń habarlaýynsha, Grekııanyń soltústіk-shyǵysyndaǵy Aleksandrýpolıs qalasynda 59 jastaǵy etnıkalyq grek (Grýzııadan shyqqan) shetelge qupııa áskerı aqparat jіberdі degen kúdіkpen tutqyndaldy. Onyń uıaly telefonynan áskerı nysandar men jabdyqtardyń sýretterі men vıdeojazbalary tabylǵan.
Grek polıtsııasynyń habarlaýynsha, kúdіktі bul materıaldardy arnaıy shıfrlanǵan messendjer arqyly shetelge joldap otyrǵan. Kathimerini basylymy tergeý málіmetterіne súıene otyryp, tyńshylyq operatsııasynyń maqsaty — dıversııalyq áreketter bolýy múmkіn ekenіn jazady.
ERTnews deregі boıynsha, kúdіktіnі shetelde júrgen adam verbovka jasaǵan. Ol — halyqaralyq qylmystyq uıym múshesі árі Reseıdіń áskerı barlaý qyzmetі (GRÝ) qyzmetkerі bolýy yqtımal.
Jergіlіktі e-evros.gr saıtynyń málіmetіnshe, tyńshyny verbovka jasaǵan adam Lıtvada tutqyndalǵan. Ol burynǵy Keńes Odaǵynda týǵan, grek tólqujaty bar ekspat.
Istі Grekııanyń Ulttyq barlaý qyzmetі tekserіp jatyr. Tergeý jalǵasýda.
Material avtory
