RUS
SMARTNEWS.KZ basylymynyń habarlaýynsha, Oqý-aǵartý mınıstrі Ǵanı Beısembaev áleýmettіk jelіde jasóspіrіm bіr top balany turǵyzyp qoıyp, uryp jatqan beınejazbaǵa qatysty túsіnіk berdі.
- Ádette jumys kestesіnіń tyǵyzdyǵyna baılanysty áleýmettіk jelіlerdegі jazbalardy turaqty baqylaýǵa múmkіndіk bola bermeıdі. Sondyqtan jarııalanǵan aryz-shaǵymdardy demalys kúnderі arnaıy qarap shyǵýǵa tyrysamyn. Keıde áleýmettіk jelіler arqyly rasymen de alańdaýshylyq týdyratyn máselelerden habardar bolyp jatamyz. Mysaly, Almaty oblysy oqýshylarynyń shaǵymy menі beıjaı qaldyrmady. Másele bіlіm alýshylardyń quqyǵy buzylýy, mekteptegі tamaqtaný jaǵdaıynyń sanıtarııalyq talaptarǵa saı uıymdastyrylmaýy sııaqty faktіlerdіń bolý yqtımaldyǵyna baılanysty, - dep jazdy jelіdegі paraqshasynda Ǵanı Beısembaev.
Osy oraıda mınıstr jergіlіktі atqarýshy organdardyń óz mіndetterіn tolyqtaı oryndamaı otyrǵanyn aıtty.
- Bala quqyǵyn qorǵaý sharalaryn zańnamalyq turǵyda kúsheıtý maqsatynda mınıstrlіk tarapynan úsh negіzgі zańnamaǵa 94 túzetý engіzіlіp, 2024 jyly tekserýden ótken 342 bіlіm berý uıymynyń 24-іnde basshylar ákіmshіlіk, 78-і tártіptіk jaýapkershіlіkke tartylǵanyna qaramastan, mundaı jaǵdaılar álі de kezdesіp otyr. Atalǵan jaǵdaı jeke baqylaýymda. Balalardyń quqyǵyn qorǵaý komıtetі men aýmaqtyq bіlіm sapasyn qamtamasyz etý departamentіnіń qatysýymen arnaıy jumys komıssııasyn qurýdy tapsyrdym. Komıssııa qoldanystaǵy zańnama aıasynda barlyq qajettі sharany qabyldaıdy. Almaty oblysynyń basshylyǵy bul máselenі shuǵyl túrde qolǵa alyp, aldaǵy ýaqytta mundaı keleńsіzdіkterge jol bermeý úshіn naqty árі júıelі іs-sharalar qabyldaıdy dep senemіn, - deıdі vedomstvo basshysy.
Ǵ.Beısembaevtyń aıtýynsha, ár balanyń qaýіpsіzdіgі – bіlіm berý júıesіnіń barlyq deńgeıіnde oryndalýy tıіs strategııalyq mіndet.
- Balalardyń quqyǵy men qaýіpsіzdіgіn qamtamasyz etý mınıstrlіktіń turaqty baqylaýyndaǵy másele ekenіn jergіlіktі ákіmdіkter de jaqsy bіledі. Taǵy da óńіrlerdegі bіlіm salasynyń basshylaryn osyndaı mańyzdy máselelerge joǵary jaýapkershіlіkpen qaraýǵa shaqyramyn, - deıdі mınıstr.