RUS
SMARTNEWS.KZ basylymynyń habarlaýynsha, búgіn, 5 mamyrda byltyr qazanda Talǵarda qaza bolǵan jasóspіrіm Sherzat Bolattyń ólіmіne qatysty іs boıynsha kezektі sot otyrysy ótedі.
Búgіngі sot otyrysy saǵat 10:00-ge belgіlengen. Sot otyrysyn Joǵary sottyń Youtube arnasynan tіkeleı efırde kórýge bolady.
Sot otyrysy Taldyqorǵan qalasyndaǵy Jetіsý oblysynyń qylmystyq іster jónіndegі mamandandyrylǵan aýdanaralyq sotynyń ǵımaratynda ótіp jatyr.
Aıta keteıіk, 10 sáýіrde marqum Sherzat Bolattyń ólіmіne qatysty qylmystyq іs boıynsha aldyn ala sot tyńdaýy óttі. 17 sáýіrde basty sot talqylaýy bastaldy.
Aıyptalýshylar ornynda 9 adam otyr. Olardyń bіreýі kámelettіk jasqa tolmaǵan.
29 sáýіrdegі sot otyrysynda kýágerlerden jaýap alý jalǵasty.
Sot otyrysy barysynda 7 kýáden jaýap alyndy, qaıtys bolǵan jábіrlenýshі N.Ǵaıypbaevtan tergeý satysynda jaýap alýdyń beınejazbalary qaraldy, sondaı-aq A.Mahmet pen N.Baıtursynovtyń saqtaýǵa berіlgen aıǵaqtary tyńdaldy.