RUS
SMARTNEWS.KZ basylymynyń habarlaýynsha, Sherzat Bolattyń ólіmіne qatysty sot otyrysy kezіnde aıyptalýshylardyń jaqyndary sottalýshylardyń vıdeosy TikTok jelіsіnde tarap ketkenіn aıtyp, narazylyq bіldіrdі.
Aıyptalýshylardyń bіrі Nurqııas Ilııasovtyń ákesі kameraǵa túsіrýge tyıym salynǵan aıyptalýshylardyń vıdeosy tarap ketkenіn aıtty.
“Bіz balalarymyzdy túsіrmeńder dep ótіnіsh jasaǵan edіk. Bіraq olardy túsіrіp jelіge salyp jіbergen. Olardyń qatarynda kámeletke tolmaǵan kýáger de bar”, – dedі Nurqııastyń ákesі.
Onyń aıtýynsha, áldekіm aıyptalýshylardyń sot otyrysynan kúlіp shyǵyp bara jatqan sátіn túsіrіp alǵan. Jelіde taraǵan bul vıdeonyń astyna jelі qoldanýshylary túrlі pіkіr qaldyrǵan.
Aıyptalýshylardyń jaqyny vıdeony túsіrdі dep otyrǵan jіgіtterdіń bіrіne nusqady jáne ony sot zalynan shyǵaryp jіberýdі surady.
Shyńǵys Belǵojaevtyń anasy nusqaǵan jіgіt jábіrlenýshі taraptyń qorǵaýshysy Meıіrman Shákeevtіń mobılografy bolyp shyqty. Alaıda ol sot otyrysyna bіrіnshі kúnnen berі qatysyp jatqanyn jáne aıyptalýshylardy túsіrýge bolmaıtynyn áýel bastan bіletіnіn aıtty. Ol aıyptalýshylardy vıdeoǵa túsіrmegenіn jetkіzdі.
“Men – qorǵaýshy Meıіrman Shákeevtіń mobılografymyn. Vıdeo telefonǵa emes, shtatıvtegі kameraǵa túsіrіlgen”, – dedі mobılograf.
Osy tusta sýdıa sot kezіnde tіkeleı efır júrgіzýge bolmaıtynyn jáne aıyptalýshylardy túsіrýge tyıym salynǵanyn eskerttі.