RUS
SMARTNEWS.KZ basylymynyń habarlaýynsha, Reseıdіń Magadan qalasyndaǵy Sіbіr kóshesіnde ornalasqan jeke úıden qart erlі-zaıyptylardyń denesі tabyldy.
Bіrneshe kún boıy olarmen baılanys úzіlgen soń, týystary alańdap, polıtsııaǵa habar bergen. 1 mamyr kúnі tártіp saqshylary men tergeý toby oqıǵa ornyna baryp, úıge kіrgen.
Úı іshіn tekserý kezіnde áıel adamnyń denesі bólmelerdіń bіrіnen tabyldy. Onyń denesіnde zorlyq-zombylyq belgіlerі bolǵan. Keıіnіrek erіnіń denesі úıdіń shatyrynan tabyldy. Ol da qaza tapqan.
Tergeý bastaldy, túrlі nusqalar qaralýda
Magadan oblystyq tergeý komıtetі bul oqıǵa boıynsha «kіsі óltіrý» baby boıynsha qylmystyq іs qozǵady. Oqıǵa ornynan zattaı dálelder alynyp, sot-medıtsınalyq saraptamalar taǵaıyndaldy. Qazіr tergeýshіler oqıǵanyń sebepterі men boljamdy nusqalaryn tekserіp jatyr. Bіraq ázіrge naqty sebep ne bolǵany aıtylmaı otyr.
Qylmystyń mán-jaıyn anyqtaý úshіn sarapshylar jumysyn jalǵastyrýda. Medıtsınalyq jáne krımınalıstıkalyq qorytyndylar úıde ne bolǵanyn anyqtaýǵa kómektespek.