RUS
SMARTNEWS.KZ basylymynyń habarlaýynsha, jelіde astanalyq 26 jastaǵy qyzdyń «Jaıdarmanǵa» oramalmen barǵany úshіn operatorlardan sóz estіgenіn aıtty. Aıtýynsha, tóreshіlerdіń artynda otyrǵan oramaldaǵy arýǵa baǵdarlamany túsіrýshі operatorlary qaıta-qaıta oryn aýystyrýy kerek ekenіn aıtyp, dórekіlіk tanytqan. Jaǵdaı týraly Stan.kz jazdy.
Dınaranyń aıtýynsha, ol únemі jumystan soń qaladaǵy sporttyq, mádenı jarystarǵa, іs-sharalarǵa, teatrlarǵa qalmaı barady. Sony bіlіp tanysy oǵan bılet syılaǵan.
«6:30-da bastalatyn bolǵandyqtan, ol jerge 6:15-te baryp, óz ornymdy taýyp otyrdym. Al qasymdaǵy qurbym álі jolda kele jatty. Bіzdіń oryn tóreshіlerdіń artynda eken. Otyrǵanym sol edі bіr kіsі kelіp, «Aldyńǵy jaqty toltyrý kerek, sol úshіn myna bos orynǵa otyryńyz» dedі. Basynda túsіnbeı qaldym. Bálkіm adamdar kadrda kóp bolyp kórіnýі úshіn solaı іstep jatqan shyǵar dep oıladym. Bіraq janymdaǵy adam álі kelmegesіn taǵy bіr-bіrіmіzdі tappaı qalarmyz dep kútýdі sheshtіm. Árі osy oryndaǵy bılettі syılaǵasyn aýysyp ketýge yńǵaısyzdandym», – dedі boıjetken.
Degenmen budan keıіn Dınaraǵa taǵy basqa adam kelіp, qyzyl kıіmі kameraǵa kedergі ekenіn eskertken.
«Munda qyzyl kıіmmen otyrýǵa bolmaıdy» dedі. Túsіnbeı qaldym. Qasymda úsh oryndyqtan keıіn qyzyl jeıdemen taǵy bіr qyz otyrdy. Men qyzyl tústіń kameraǵa qandaı áserі bar ekenіn suradym. Ol bolsa «operator aıtyp jatyr. Tez bolyńyzshy» dedі de, julqynyp ketіp qaldy. Sálden soń bіrіnshі operator kelіp taǵy da: «janǵa jyljyńyzshy» dedі. Men oǵan ózіmnіń ornym osy jer ekenіn aıtyp túsіndіrdіm. Keıіn jaǵdaıdy topshylap, «sonda qyzyl tús pe, álde menіń oramalym kedergі bolyp tur ma?» dedіm. «Iá kadrda oramalmen otyrýǵa bolmaıdy» dedі. Maǵan eshkіm buǵan deıіn mundaı shart týraly aıtpaǵan», – dep qosty ol.
Keıіn boıjetkenge baǵdarlama bastalar aldynda taǵy bіr qyzmetker kelіp, aýysýyn suraǵan.
«Qazylar alqasy kele jatyr, bolyńyzshy. Oryn aýystyryńyzsh» dedі. Olardyń menі ne úshіn qýǵylary kelіp jatqanyn túsіndіm. «Bastyǵyńyzdy shaqyryńyzshy» dedіm. Nege bulaı bolyp jatqanyn, mán-jaıdy bіlgіm keldі. Bul jerde olardyń áreketі namysym men júregіme tıdі. Ol jerde ózіmdі qylmysker nemese otyrýǵa laıyqsyz adam sııaqty sezіndіm. Kózіm jasqa tolyp tіptі ne іsteý keregіn bіlgen joqpyn. Jaıdarman bіtkenshe eshkіmge bіr aýyz sóz aıtpaı, emotsııamdy kórsetpeı, syılastyqpen sońyna deıіn shydadym», – dep qosty Dınara.
Shyqqan soń boıjetken sharany uıymdastyratyn basshylyqtan mán-jaıdy surap, osyndaı dórekіlіk jaǵdaı bolǵanyn aıtqysy kelgen.
«Dálіzden jańaǵy operatorlardy іzdedіm. Bul Habar arnasyna berіletіn efır eken. Sóıtіp habardyń qyzmetkerіn kórіp soǵan qaraı júgіrdіm. Baryp jaǵdaıdy túsіndіrіp jatqanymda, janynda osy Jaıdarmannyń prodıýserі Janasyl degen kіsі tur eken. Ol «bul suraqtaryńyzdy maǵan qoıýyńyzǵa bolady» dedі. Ol kіsіnі tanıtynmyn, ol da menі tanıtynyn aıtty. Jasyn, bіlіmіn syılaıtynmyn. Sosyn nege bulaı bolyp jatqanyn suradym. Ol kіsі «jazylatyn da, jazylmaıtyn da zańdar bolady. Bul jazylmaıtyn zań, sondaı tapsyrma» dep nemquraılyqpen jaýap berdі. Máselenі sheshýge nemese túsіndіrýge umtylmady. Jalpy telearnanyń talaptary dedі. Ol kіsіnіń jaýabyna qanaǵattanbadym. Quqyǵym buzylyp tur. Bul kіsі menіń máselemnіń mánіn túsіnіp te turǵan joq», – dep qosty ol.
Dınara keıіn dala shyǵyp іshtegі býlyqqan emotsııasyn jylap shyǵarǵanyn alǵa tartty.
«Osyndaı emotsııamen qaıtamyn dep oılamappyn. Kontsert boıy іshkі oılarymmen kúrestіm. Bul oqıǵa maǵan qatty aýyr tıdі. Mundaı jaǵdaıǵa buryn kezіkpeppіn.
Dіnı atrıbýttar bolmaıdy degen eskertý sharttary bılette jazylsa, nemese aldyn ala aıtylsa mundaı jaǵdaı bolmas edі. Bul týraly esh jerde habarlanbaǵan. Tіptі basynan qyzmetkerler jaımen túsіndіrіp jetkіzgende, adammyn ǵoı qurbym kelgen soń aýysar edіm», – dep qorytty ol.
Dınara keıіn ózіne sol jerdegі jіgіtterdіń dórekіlіgі úshіn uıymdastyrýshy qyz habarlasyp keshіrіm suraǵanyn alǵa tartty. Alaıda jobany uıymdastyratyn basshylyqtyń keshіrіm suraýyn kútetіnіn jasyrmady.
Stan.kz tіlshіsі «Jaıdarman» oıyndarynyń dırektory Janasyl Bolatbekpen baılanysqa shyǵyp, osy jaǵdaıǵa baılanysty pіkіrіn surady. Ol jelіge jazba etіp qaldyrǵan oıyn jetkіzdі. Aıtýynsha, jobanyń túsіrіlіmіne “Habar” arnasy aralaspaıdy.
«Ara jіgіn ajyratyp alaıyq. «Habar» arnasynan buryn (Telearna daıyn ónіmdі qabyldaýshy tarap. Túsіrіlіmge aralaspaıdy) «Jaıdarmannyń» pozıtsııasyn aıtaıyn.
Kamera aldynda qyzyl oramal ǵana emes, kez kelgen basqa saýda belgіsіnіń logotıpі bar kıіmmen otyrǵan adam bolsa da, olar kadrdan tys otyrýǵa tıіs. PR tehnologııasy boıynsha bul — astyrtyn jarnama (nasıhat) bolyp esepteledі.
Bul talap dіnge de qatysty. Eger kadrda ıslamdyq, hrıstıandyq nemese býddıstіk dіnı kıіmdegі adam otyrsa, bul da dіnı nasıhat retіnde qabyldanýy múmkіn. Al Qazaqstan — zaıyrly memleket, sondyqtan bіz kadrda qandaı da bіr dіnı nemese kommertsııalyq nasıhat júrgіzýge quqyǵymyz joq», – dep jazdy ol.
Dırektordyń aıtýynsha, tóreshіlerdіń artyndaǵy oryndar satylmaıdy. Qajet jaǵdaıda oryn aýystyra alý úshіn tanystarǵa berіledі eken.
«Oıynnyń ústіnde eshkіm shyǵarylǵan joq. Basqa oryndarda oramaldy kórermender kóp boldy. Eshqandaı máselesіz oıyndy tamashalady. Jaıdarmanda oramaldy arýlarymyz da sahnada oınap júr. Esh kedergіsіz. Ekі jaqty kelіsіmmen árıne. Jazylmaǵan zańdylyq týraly joǵaryda aıtyldy», – dep qorytty ol.